Birinci döngədə Mark Uebber pouldan start almış komanda yoldaşı Sebastyan Fetteli qabaqlayıb, əks-hücuma atılan alman sürücünün maşınında Lyuis Həmiltonla mübarizə zamanı arxa sağ təkəri deşilib və Maggots döngəsində trasdan çıxıb. Üçüncü yerdən start almış Fernando Alonso da bir neçə mövqe itirib, hətta onu qabaqlamış komanda yoldaşı Felipe Massaya hücum zamanı braziliyalı sürücünün maşınında arxa sağ təkəri partladıb - Fettel və Massa pitə təkər dəyişməyə yollanıblar.

Sıralanma turundan əvvəl Silverstounda buludlar səmanı örtüblər, külək güclənib, uzaqlarda isə yağış dolu buludlar görünüb, amma proqnoz yağış vəd etməyib və bu dəfə özünü doğruldub.

Sessiyanın əvvəlində Timo Qlokun maşınında problemlər yaşanıb, alman sürücü boksa qayıdıb. Sessiyanın sonunda isə Adrian Sutilin maşınında ötürmələr qutusu sıradan çıxıb. Fernando Alonso da sessiyanın sonunda trasa qayıtmayıb - mexaniklər maşının arxasını tam söküblər.

Proqnozun vəd etdiyi kimi, nahardan sonra hava bir qədər qızıb, asfaltın temperaturu isə +40 dərəcəni keçib, trasın vəziyyəti yaxşılaşdığı üçün sürətlər də artıb.

Dünən axşam Hispania komandası elan edib ki, Silverstounda Bruno Sennanı Sakon Yamamoto əvəz edəcək. Yaponiyalı sürücüdən başqa sərbəst yürüşlərdə daha iki ehtiyat sürücü çıxış edib - Fayruz Fauzi Lotus-da Yarno Trullini, Pol di Resta isə Force İndia-da Vitantonio Liutsini əvəz edib.

Qran Pridə baş verəcək hadisələr...

Britaniya trasının statistikası...

Britaniya trasının xüsusiyyətləri...