Sürücülər start düzlüyündə düzülərkən Virgin komandası Lukas di Qrassinin maşınında motoru dəyişib qurtarıb və braziliyalı sürücü yarışa pit-leyndən qoşulmalı olub.

Dünən sürücülər buludsuz səma altında işləmişdilər, amma bu gün səhərdən göyün üzünü buludlar örtüb və asfalt soyuyub. Səhər sərbəst yürüşlərdə sürücülərin əksəriyyəti yumşaq təkərlərdə səkkizinci döngədə trasdan çıxıblar - təkərin effektliyi dəyişdiyindən komandaların hamısı sazlanmalara düzəlişlər ediblər.

Bu gün səhər göyün üzünü buludlar örtüb, havanın və trasın temperaturu aşağı düşüb, bu isə təkərlərin effektliyinə təsir edib.

Nahardan sonra trasın vəziyyəti lap yaxşılaşıb, GP2 məşqləri və Porsсhe GT3 sıralanma turu keçirilib, asfaltın temperaturu isə +50 dərəcəni aşıb. Sürücülər dərhal işə başlayıblar, ancaq Adrian Sutil boksda gözləməli olub - mexaniklər səhərki qəzadan sonra maşını bərpa ediblər.

Bu gün səhər sərbəst yürüşlərdə Sakon Yamamoto Bruno Sennanı əvəz edib, yaponiyalı sürücünün maşınından elə ilk dövrədə arxa antiqanadın vacib detalı qopub ayrılıb. Bir müddət boksda dayandıqdan sonra Sakon yenidən trasa qayıdıb. Hispania komandasının ikinci maşınında da problemlər əmələ gəlib - Karun Çandhok akseleratorun problemləri üzündən sessiyanın böyük hissəsini boksda gözləməli olub.

Türkiyə Qran Prisinə olan son hava proqnozu uik-end ərzində isti hava vəd edir...

Britaniyanın məşhur William Hill idarəsinin mütəxəssisləri ənənəvi olaraq, növbəti Qran Pri ərəfəsində sürücülərin reytinq cədvəllərini dərc ediblər. Bukmeykerlər Türkiyə Qran Prisində qələbəyə əsas namizəd Red Bull sürücülərini görürlər. Onlar Mark Uebberin son iki yarışda qələbəsini nəzərə alsalar da, İstanbulda üstünlüyü Sebastyan Fettelə veriblər.

Türkiyə Qran Prisi günlərində Bridgestone şirkəti komandalara quru asfalt üçün "bərk" təkər cütlüyünü təqdim edəcək. Avstraliyada, Malayziyada, Çin və İspaniyada olduğu kimi sürücülər Hard və Soft tərkiblərini alacaqlar.

Qran Pridə baş verəcək hadisələr...

Türkiyə trasının statistikası...

Türkiyə trasının xüsusiyyətləri...