Red Bull sürücüləri dünən sıralanma turunda böyük üstünlüyə malik idilər, hamını bir sual maraqlandırırdı - komanda İspaniya Qran Prisində də qələbə dubluna imza ata biləcəkmi?

Sıralanma turundan əvvəl üç sürücü sabahkı yarışda beş yer itirməklə cərimə olunub - Timo Qlok, Luka di Qrassi və Vitaliy Petrov. Virgin komandasının mühəndisləri FİA-nın texniki xidmətlərini ötürmələr qutusunun ötürmə rəqəmləri barədə vaxtında xəbərdar etməyiblər, Petrovun maşınında isə səhərki qəzadan sonra ötürmələr qutusu dəyişdirilib.

Dünən olduğu kimi bü gün də ən sürətli Red Bull sürücüləri olublar, Sebastyan Fettel 81 saniyədən sürətli yeganə sürücü olub. Onun rəqiblərindən üstünlüyü nəzərəçarpacaq dərəcədə böyükdür.

Nahardan sonra sərbəst yürüşlərin protokollarına Red Bull sürücüləri böyük üstünlüklə başçılıq ediblər - Sebastyan Fettel 80 saniyədən sürətli yeganə sürücü olub, 81 saniyədən isə cəmi dörd sürücü çıxıb.

McLaren sürücüləri səhər yürüşlərinin protokollarına başçılıq ediblər - Lyuis Həmilton Censon Battondan yarım saniyə sürətli olub.

İspaniya uik-endinə hava proqnozu yarış günü yüksək ehtimalla yağış vəd edir. Cümə və şənbə günlər hava buludlu olsa da, temepratur +17° C-yə çatacaq, bazar günü isə +18° C-yə qədər qızacaq.

Adətən, bukmeykerlər sürücülərin hər hansı bir yarışda çıxışına dərhal reaksiya verirlər, amma arxada qalmış dörd Qran Pridən sonra vəziyyət asan deyil - çempionata iki qələbə qazanmış Censon Batton başçılıq edir, məşhur William Hill idarəsinin bukmeykerləri isə hazırkı çempionu İspaniya Qran Prisinin yeni dərc etdikləri reytinq cədvəlində yalnız beşinci yerdə görüblər.

Mövsümün ilk Avropa yarışına Bridgestone şirkəti quru asfalt üçün Hard və Soft təkərlərini gətirəcək. Barselona trası təkərlərə qarşı kifayət qədər sərtdir, xüsusən də sol qabaq təkər bu trasda çox yüklənir.

Qran Pridə baş verəcək hadisələr...

İspaniya trasının statistikası...

İspaniya trasının xüsusiyyətləri...