Malayziya yarışının maraqlı keçəcəyi dünənki sıralanma turundan sonra aydın idi - dörd güclü komandadan yalnız ikisi tam heyəti ilə sonuncu sessiyaya keçmişdi, Batton, Həmilton, Alonso və Massa isə yarışa 17-ci və 19-21-ci yerlərdən başlamalı idilər. Red Bull sürücüləri və Niko Rosberq yağışlı sıralanma turundan hamıdan yaxşı bəhrələnmişdilər.

Sepanqda sıralanma turundan əvvəl yağış yağıb. Sessiyaya start verilən kimi sürücülərin çoxu trasa keçid təkərlərlə çıxıblar və trası su doldurmayınca, yaxşı nəticə göstərməyə çalışıblar. Amma Batton, həmilton, Şumaher, Rosberq, Uebebr, Massa, Alonso və di Qrassi boksda gözləyiblər.

Bu gün əshər sərbəst yürüşlərdə ən yaxşı nəticəni sessiyanın sonunda Mark Uebber göstərib - avstraliyalı sürücü bütün sessiyanı sürətli olmuş Lyuis Həmiltonun nəticəsini cəmi 0.017 saniyə yaxşılaşdırıb. Lyuisə 0.028 saniyə uduzmuş Sebastyan Fettel RB6-nın sıralanma turunda favorit olmasını təsdiqləyib. Ümumiyyətlə, sıralanma turu maraqlı olacaq.

Lyuis Həmilton nahardan sonra da sərbəst yürüşlərin protokollarına başçılıq edib. Britaniyalı sürücü liderlərdən birinci olaraq yumşaq təkərlərə keçib və uzun müddət rəqiblərini 1 saniyə qabaqlayıb. Amma sonra rəqiblər də Soft təkərlərinə keçiblər və eks-dünya çempionuna yaxınlaşıblar.

Səhər sərbəst yürüşlərində ən yaxşı nəticəyə Lyuis Həmilton imza atıb - 1.34,921. Britaniyalı sürücünün bu nəticəsi Censon Battonun keçən il sərbəst yürüşlərdə göstərdiyi ən yaxşı nəticədən saniyə yarım sürətlidir.

Keçən il Malayziya yarışı güclü leysan yağış üzündən yarımçıq dayandırılmışdı - su trasa dolmuş, hava tezliklə qaralmış və nəticədə sürücülər xalların yalnız yarısını qazanmışdılar.

Britaniyanın William Hill idarəsinin mütəxəssisləri uik-end ərəfəsində Malayziya Qran Prisinin hadisələrində sürücülərin şanslarını qiymətləndiriblər. Reytinqdə birinci yeri bu dəfə Sebastyan Fettel tutub, gənc alman sürücü Fernando Alonsonu qabaqlayıb. Onun komanda yoldaşı Mark Uebber isə üçüncü olan Lyuis Həmiltona da uduzub. Keçən yarışın qalibi və sonuncu dünya çempionu Censon Batton isə reytinqlərdə beşinci olub.

Keçən həftə Melburnda soyuq hava və asfaltın hamarlığı sürücülərə imkan vermişdi, təzminən bütün yarışı bir təkər dəsti ilə keçirsinlər. Amma Bridgestone-un mütəxəssisləri komandalara xəbərdarlıq ediblər ki, bu "qəhrəmanlığı" Malayziyada təkrar etmək çox təhlükəlidir.

Qran Pridə baş verə biləcək hadisələr:

Malayziya trasının statistikası...

Malayziya trasının xüsusiyyətləri...