Formula1 üzrə 61-ci dünya çempionatının ilk mərhələsi göstərdi ki, yanacaqdoldurmaya qoyulan qadağa idmanda diqqət mərkəzini dəyişib: indi ön plana təkərlərin yeyilməsi keçib. Bundan başqa mövsümün ilk yarışı etibarlıq üçün də əla yoxlama olub - yeddi maşın nasazlıq üzündən yarışı dayandırmalı olub. Yarışın yarıdan çoxunu Sebastyan Fettel liderlik edib, amma gənc alman sürücünün qələbə ümidini Red Bull-un texnikası puç edib - qələbəni isə ikiqat dünya çempionu Fernando Alonso bayram edib.

Mövsümün ilk sıralanma turu maşınların real sürəti haqqında suallara cavab verməli idi - dünya çempionatının iştirakçıları ilk dəfə olaraq trasa az yanacaqla bərabər şəraitdə və eyni zamanda çıxıblar. Düzdür, bu il maşının sürəti elə də böyük rol oynamır, hər şeydən əvvəl təkərin yüklənməsi və maşının müxtəlif yanacaq miqdarında stabil balansıdır, amma məhz sürətə görə maşınlar start xəttində düzüləcəklər.

Fernando Alonso Bəhreyn Qran Prisinin son sərbəst yürüşlərində protokollara başçılıq edib. Sessiyanın sonunda bütün maşınlar sıralanma turu rejimində az yanacaqla və yumşaq təkərlərlə işləyiblər.

Nahardan sonra sərbəst yürüşlərdə ən yaxşı nəticəni Mercedes GP-nin sürücüsü Niko Rosberq göstərib, ümumiyyətlə, sürücülər yürüşlərin ilk yarım saatında yaxşı nəticələr göstərdikdən sonra dolu baklarla yarışa hazrılığı davam etdiriblər. Nəticədə Rosberq McLaren sürücüsü Lyuis Həmiltonu və komanda yoldaşı Mixael Şumaheri qabaqlayıb.

Mövsümün ilk cümə sərbəst yürüşlərində ən yaxşı nəticəni Adrian Sutil göstərib. Alamn sürücü Force İndia maşınlarının sürətli olmasını nümayiş etdirib, onun komanda yoldaşı Vitantonio Liutsi isə yeddinci olub. İlk doqquzluq 0.7 saniyəyə yerləşib. Bütün sürücülər trasa Medium tərkibli təkərlərlə çıxıblar.

Son hava proqnozu Bəhreyn uik-endi üçün ənənələrə sadiq qalıb - komandaları isti və günəşli hava gözləyir, yağışın yağma ehtimalı yoxdur.

Britaniyanın məşhur William Hill idarəsinin bukmeykerləri Bəhreyn Qran Prisində sürücülərin şanslarını bir daha qiymətləndiriblər, onların reytinqinə əvvəlki kimi Fernando Alonso başçılıq edir...

Bu il Bridgestone şirkəti mövsümün gedişində komandalara dörd təkər tərkibi təqdim edəcək - SuperSoft, Soft, Medium və Hard – hər uik-endə iki təkər tərkibi. Tərkiblərin adları dəyişməsə də konstruktivləri yenilənib, bununla da təkərlərin qızdırılmasına sərf olunan vaxt azalıb və resursları artıb.

Qran Pridə baş verə biləcək hadisələr:

Bəhreyn trasının statistikası

Bəhreyn trasının xüsusiyyətləri...