McLaren və Steinmetz Diamonds şirkəti sürücülərin sükanlarını və şlemlərini xüsusi şəkildə brilyantlarla bəzəyiblər, Censon Batton və Lyuis Həmilton starta ən bahalı maşınlarla çıxacaqlar.

Monako uik-endi başlamamış ənənəvi xeyriyyə futbol oyunu baş tutub - sürücülərin Nazionale Piloti yığma komandası Monako knyazının Star Team for Children yığma komandası ilə görüşüb.

Monako Qran Prisi ərəfəsində FİA Monte Karlo trasının iki şikanasında porebriklərin arxasında yerləşən elementlərin hündürlüyünü dəyişməyi qərara alıb. Federasiyanın yaydığı məlumata görə, 11-ci Nouvelle və 16-cı Hovuz döngələrindəki şikanalarda porebriklərin arxasındakı elementlər sürücülərin bu yerlərdə döngəni kəsməməsi üçün yerləşdirilib.

McLaren komandası təsdiq edib ki, Lyuis Həmiltonun İspaniya Qran Prisinin sondan əvvəlki dövrəsindəki qəzasına səbəb maşının sol ön təkər diskinin sınması olub. Trasın sürətli Renault döngəsində britaniyalı sürücünün MP4-25-də problem əmələ gəlib, maşın trasdan çıxıb və qoruyucu baryerlərə çırpılıb. Komandanın başçısı Martin Uitmarş bildirib ki, insidentin araşdırılması davam edir, çünki diskin sıradan çıxma səbəbi hələ də məlum deyil...

Bridgestone şirkətinin yarış proqramının rəhbərləri Yapon təkər konserninin direktorlar şurasını Formula1-dən getmək qərarına yenidən baxılmasına cəhd edəcəklər. Əsas arqument: çempionatda iştirak edən komandalar Bridgestone-un çempionatda qalmasını çox istəyirlər.

Çox güman ki, Türkiyə Qran Prisində Red Bull komandası aerodinamik hava kanalının öz versiyasını təqdim edəcək - bu barədə Britaniyanın Autosport qəzeti xəbər yayıb.

Barselona uik-endini başa vurduqdan sonra komandalar avadanlıqlarını toplayıb Monakoya tələsiblər - knyazlığın paytaxtının küçələrində isə iş artıq başlayıb, komandalar motorhoumlarını yüksəldirlər, bir neçə gündən sonra fəxri qonaqları və sponsorları qəbul edəcəklər.

İspaniya yarışı artıq qurtarıb və komandalar Monakoya köçmək üçün avadanlıqlarını toplayırdılar ki, paddoka yeni şayiə yayılıb - Felipe Massa Red Bull komandasına keçməyə hazırlaşır. Braziliyalı sürücünün Ferrari-də vəziyyəti yaxşı deyil və o özü özünə yeni iş yeri axtarmağa başlayıb.

İspaniya Qran Prisinin finişinə səkkiz km qalmış Lyuis Həmiltonun McLaren-ində sol ön təkərin elementləri dağılıb. Finişə 15 dövrə qalmış eyni təkərlərlə Sebastyan Fettel problem yaşayıb, daha 10 dövrə sonra isə eyni problemlər Rubens Barrikellonu sürətini azaltmağa məcbur edib. Üç sürücü, üç nasazlıq, amma səbəb eyni ola bilər - Barselona trasının xırda çınqılı.

Uzaq 2004-cü ildə Kumho şirkəti Formula1-də debüt imkanlarını nəzərdən keçirmişdi. uzunmüddətli inkişaf proqramı hazırlanmışdı - koreyalı təkər ustaları 2007-ci ildə komandalara öz məhsullarını təklif etmək istəyirdilər.

Məşhur Spa trasında Lə Man seriyasının növbəti mərhələsi keçirilib. Min km-lik yarış çətin şəraitdə keçib və altı saatdan sonra dayandırılıb, yarışın qalibi isə dizelli Peugeot 908-in sürücüləri elan olunublar. Podiumun ən yüksək zirvəsinə keçmiş Formula1 sürücüləri Pedro Lami və Sebastyen Burde, həmçinin, onların komanda yoldaşı Simon Pajeno qalxıblar.

Barselonada FOTA-nın toplantısında komandalar razılaşıblar ki, gələn ildən arxa antiqanadın effektliyini dəyişən hava kanllarından istifadə etməyəcəklər. Bu element reqlamentə uyğundur, amma məsrəflərin azaldılması çərçivəsində çempionat iştirakçıları bu sistemdən imtina etməyi qərara alıblar.

Toro Rosso komandası daha bir yarışda xal toplamağa müyəssər olub, bu dəfə də çempionatın ən gənc sürücüsü Xayme Algersuari fərqlənib. Yarışın gedişində pit-leyndən keçməklə cərimələnən Xayme finiş xəttinin onuncu keçə bilib...

Williams sürücüləri üçün İspaniya Qran Prisi fərqli alınıb. Veteran sürücü Rubens Barrikello sıralanma turunda daha gənc komanda yoldaşı Biko Hülkenberqə uduzsa da, yarışda bunun əvəzini çıxıb - braziliyalı sürücü finiş xəttini doqquzuncu keçib...

Renault komandasının sürücüləri İspaniya Qran Prisini yaxşı başlamayıblar - Robert Kubitsa digər maşınla azca toqquşub, Vitaliy Petrov isə bir neçə yavaş maşını irəli buraxıb. Amma sonra vəziyyət dəyişib. Finişdə Robert səkkizinci olub...

Barselonada Force İndia komandası mövsümdə dördüncü dəfə xal toplaya bilib: Adrian Sutil çətin yarışı yeddinci yerdə başa vura bilib...

Bugünkü yarışda Ferrari maşınları sürətdə Red Bull və McLaren maşınlarına uduzublar, amma Skuderiya rəqiblərin müxtəlif problemlərindən yararlanıb və komanda hesabına vacib 26 xal qazanıb. Uğursuz sıralanma turundan sonra doqquzuncu yerdən start alan Felipe Massa yarışda da heç nə ilə yadda qalmayıb və sadəcə finişdə altıncı olub...

Censon Battonun sözlərinə görə, o Mixael Şumaherin manevrindən narazı qalıb - britaniyalı sürücü pit-stopdan qayıdarkən Mixael onun qarşısını sərt kəsib və irəli buraxmayıb. Batton ilişmə muftasındakı problemlər üzndən pit-leyndə ləngiyib, trasa çıxıb birinci döngəyə çatdıqda isə Mixael xarici trayektoriya ilə onu qabaqlayıb...

Mercedes GP komandasının sürücüləri mövsümün beşinci yarışını müxtəlif cür keçiriblər: əgər Mixael Şumaher Barselonada inamla çıxış edərək finişdə 4-cü olubsa, Niko Rosberq iki dəfə problemlərlə üzləşib və yekunda 13-cü olub. Startda Kubitsa Rosberqi trasdan sıxışdırıb çıxarıb, pit-stopda isə ön sağ təkərlə problem yaranıb. Yediqat dünya çempionu isə mövsümdə ilk dəfə olaraq dördüncü yeri qazanıb...

Sebastyan Fettel üçün İspaniya Qran Prisi asan keçməyib. Alman sürücü yarışın birinci hissəsində liderlik edən komanda yoldaşı Mark Uebberi izləyib, amma pit-stopda ləngidiyi üçün Lyuis Həmiltonu irəli buraxıb. Yarışın sonuna 10 dövrə qalmış əyləclərlə problemlər peyda olduğundan Fernando Alonsonu da irəli buraxıb, amma finişə iki dövrə qalmış Lyuisin yarışı tərk etməsi nəticəsində podiuma qalxa bilib. Red Bull-un gənc sürücüsü FİA-nın rəsmi mətbuat konfransında yarışı belə şərh edib...

Fernando Alonso ev yarışında dördüncü yerdən start alsa da, finiş xəttini ikinci keçib, ispaniyalı sürücü çempionatda da ikinci yerə yüksəlib - indi ikiqat dünya çempionu sonuncu çempion Censon Battona cəmi üç xal uduzur...

Mark Uebber Barselonada ənənəyə sadiq qalaraq inamlı qələbə qazanıb - Katalunya trasında keçirilmiş iyirminci yarışda 16-cı dəfə pouldan start almış sürücü qalıb gəlib. Çempionatda isə mübarizə gərginləşir. Finişdən sonra FİA-nın rəsmi mətbuat konfransında Mark öz hisslərini şərh edib...

Komandalar Monako Qran Prisinin sıralanma turunda qaydaların dəyişdirilməsi üzrə danışıqlarda razılıq əldə edə bilməyiblər. FOTA-nın üzvləri iki sessiyanın keçirilməsi imkanını müzakirə ediblər - maşınların sürətləri arasındakı böyük fərq dar küçələrdə təhlükəli faktor ola bilər.

Mercedes GP komandası yeni rəsmi saytını açıb. Saytın əvvəlki versiyası Brawn GP komandasının saytına əsaslanırdı, indi isə tam yeni və orijinal işdir...

Sıralanma turunun son sessiyasında baş verən insidenti araşdıran İspaniya Qran Prisinin stüardları Ferrari komandasını 20 min dolar məbləğində cərimə etməyi qərara alıblar.

Barselonada sıralanma turundan sonra Hispania komandasının mexanikləri Karun Çandhokun maşınında ötürmələr qutusunu əvəz etməli olublar. Belə bir əvəzləmə isə reqlamentə əsasən, startda beş yer itirməklə cərimə olunur.

Sabahkı Barselona yarışının startında Vitaliy Petrov beş yer itirəcək - rusiyalı sürücünün maşınında ötürmələr qutusu dəyişdirilib.

FİA-nın yarış direktoru Çarli Uaytinq hesab edir ki, Çin Qran Prisi zamanı pit-leyndə Sebastyan Fettelin hərəkətləri yolverilməzdir. Xatırladaq ki, alman sürücü həm yarışda Lyuis Həmiltonla uzun zaman mübarizə aparıb, sinxron pit-stop zamanı McLaren sürücüsü Red Bull sürücüsünü qabaqlamağa çalışıb və pit-leynlə trasa doğru Fettelə paralel hərəkət edib.

Arxa antiqanadın effektliyini dəyişən hava kanalının işi barədə cümə sərbəst yürüşlərində toplanmış məlumatı təhlil edən Ferrari komandası elan edib ki, yeni elementdən sıralanma turunda və yarışda Alonso və Massanın maşınlarında istifadə olunacaq.

Virgin komandasının sürücüləri İspaniya Qran Prisinin startında beş yer itirəcəklər. Komandanın nümayəndələri FİA-nı ötürmələr qutusunun ötürmə rəqəmləri barədə müəyyən edilmiş vaxt ərzində məlumatlandırmayıblar, reqlament pozulub və bu gün səhər stüardlar Timo Qlok və Lukas di Qrassini cərimə ediblər.