Əfsanəvi adı olan komanda üçün Sepanq trasındakı növbət Qran Pri mövsümün əsas yarışı olacaq. Axı indi Lotus Malayziyanın milli fəxridir. Layihə bu dövlətin vəsaiti hesabına reallaşıb, hərçənd, komandanın bazası Böyük Britaniyadadır.

Avstraliyada Hispania komandasının sürücüsü Karun Çandhok finişə qədər yarışı davam etdirə bilib, hərçənd, finişdə o yarışın qalibindən 5 dövrə geri qalıb. İspaniya komandası üçün bunu böyük nailiyyət hesab etmək olar və indi çempionatın debütantları tempin inkişafına ümid edirlər...

Öz rəsmi saytında Mixael Şumaher Avstraliya uik-endinə yekun vurub, onun fikrincə, yarışı pozitiv hesab etmək olar...

Biz artıq yazmışdıq ki, 2010-cu ilin əvvəlindən vahid yarış reytinqi adlı layihə həyata keçirilir. Xatırladaq ki, layihənin təsisçiləri müxtəlif seriyaların iştirakçılarını bir cədvələ toplayıblar. Formula1-də, WRC-də və NASCAR-da çıxış edən iştirakçıalrın nəticələrini müqayisə etmək üçün xüsusi qiymətləndirmə mexanizmi hazırlanıb, mexanizm hər bri seriyanın xüsusiyyətlərini və hər bir sürücünün son il ərzində gsötəricilərini nəzərə alır.

Toro Rosso komandası Avstraliya Qran Prisinin ilk dövrəsində qəzaya uğramış Sebastyen Bueminin maşınının bərpasının neçə başa gələcəyini hesablayıb: komandanın başçısı Frans Tost İsveçərinin Blick qəzetinə 150 min Avro söyləyib. Bu zaman dağılmış şassi Avropaya göndəriləcək, Malayziyada isə sürücü yeni şassidə çıxış edəcək.

İspaniyanın Valensiya şəhərində Almaniyanın DTM kuzov çempionatının iştirakçılarının dördgünlük test sessiyası başa çatıb. Testlərə bəzi güclü sürücülər heç qoşulmayıblar, bəziləri isə cəmi bir neçə saatlığa trasa çıxıblar (məsələn, keçənilki çempion Timo Şayder). Əvəzində tribunalara toplaşan azarkeşlər bir çox debütantların trasda işini görüblər - test günlərindən bir gün Red Bull komandasının məsləhətçisi Dəvid Kulthard da trasa çıxıb.

Adətən Avstraliya yarışı mövsümün ilk yarışı olurdu və Qran Prinin təşkilatçıları bu statusa böyük əhəmiyyət verirdilər. Amma 2010-cu ildə mövsüm Bəhreyndə başlayıb - saat qurşaqları arasındakı fərqə görə yarışı martın 28-dən tez keçirmək mümkün deyildi, çünki məhz bu gün Avropa yay vaxtına keçir.

Mövsümün ilk yarışı Bəhreyn Qran Prisinin Almaniyanın RTL telekanalında yayımının auditoriyası tarixi rekord vurmuşdu - analitiklər bunu gözlənilməz reytinqi "Şumaher faktoru" ilə izah ediblər, amma Avstraliya Qran Prisinin yayımız zamanı auditoriya əvvəlki səviyyəyə enib.

Avstraliya Qran Prisinin stüardları yarışın sonuna iki dövrə qalmış Mark Uebber və Lyuis Həmilton arasında baş vermiş insidenti araşdırıblar.

Mixael Şumaher hesab edir ki, Melburnda o podium qazana bilərdi, amma birinci döngədəki insident onun ümidlərini puç edib: Fernando Alonso ilə toqquşmadan sonra yeddiqat dünya çempionu yeni antiqanad üçün pit-stopa getməli olub. Son yerlərdən irəliləyən alman sürücü yarışı 10-cu yerə başa vurub - son dövrələrdə o Xayme Algersuari və Pedro de la Rosanı qabaqlayıb...

Dünən sıralanma turunda qazanılmış uğurdan sonra hamı elə bilirdi ki, Red Bull sürücüləri qələbəni öz aralarında bölüşdürəcəklər, amma Sebastyan Fettel yarışı yarımçıq dayandırıb, Mark Uebber isə yalnız doqquzuncu olub...

Williams komandasının heyətində ikinci yarışında da Rubens Barrikello xal toplaya bilib. Düzdür, braziliyalı sürücü hesab edir ki, yarışı yeddinci yerdə də başa vura bilərdi...

Dünən sıralanma turunda Force İndia maşınalrı bir daha sürətli olmalarını nümayiş etdiriblər - Adrian Sutil yenə də son sessiyaya keçə bilib. Amma yarışda iki həftə əvvəl Bəhreyndə olduğu kimi alman sürücünün komanda yoldaşı Vitantonio Liutsi fərqlənib - italiyalı sürücü ikinci ardıcıl yarışda xal qazanıb...

Avstraliya yarışından sonra Lyuis Həmilton bildirib ki, bu yarış onun karyerasında ən yaxşı yarışlardan biri olub, amma komandanın taktiki səhvi və Mark Uebberin səhvi üzündən o yüksək nəticəni əldən verib.

Mövsümün ikinci yarışında da Mercedes GP komandasının hər iki sürücüsü xal qazana bilib. Gənc sürücü Niko Rosberq iki həftə əvvəlki nəticəsini təkrarlayıb - Avstraliyada o finişi beşinci keçib...

İki həftə əvvəl Ferrari komandası qələbə dublu qazanmışdı, amma Bəhreyndən fərqli olaraq Avstraliyada artıq sıralanma turu komanda üçün gözlənilməz alınıb. Yarışda isə Fernando Alonso özündən arxadan start alan komanda yoldaşı Felipe Massaya uduzub, çempionatın lideri bu dəfə yalnız dördüncü olub...

Karyerasında mövsümə ən yaxşı nəticə ilə başlayan Felipe karyerasında ən yaxşı Avstraliya yarışını da keçirib. Mövsümün ilk iki yarışını podiumda başa vuran yeganə sürücü Felipe olub...

Albert Parkdakı yarışın ən başlıca sensasiyası Robert Kubitsanın podiumu olub. Polşalı sürücü "böyük dördlüyün" maşınlarından sürətdə geri qalsa da, Qran Prini əla keçirib və finiş xəttini ikinci keçib. Renault-nun lideri əla start alıb, doqquzuncu yerdən dördüncü yerə yüksəlib, ilk pitindən sonra bir mövqe də qazanıb və Sebastyan Fettelin yarışdan kənar qalmasından sonra ikinci yerə yüksəlib.

Qurumaqda olan trasda ən erkən təkər dəyişməklə risk edən Censon Batton böyük üstünlük qazanıb və inamla qələbə qazanıb - bu onun McLaren-də ilk, karyerasında isə səkkizinci qələbəsidir...

Formula1 sürücüləri arxanı göstərən güzgülərin konstruksiyasının dəyişdirilməsi üçün məsələyə FİA-nın qarışmasına çağırıblar: onlar narahatdırlar ki, bu il görmə problemi lap kəskinləşib. Melburnda sərbəst yürüşlərdə və sıralanma turunda bir neçə hal olub ki, sürücülər arxadan gələn maşınları görmədikləri üçün onları bloka salıblar.

Timo Qlok və Lukas di Qrassi Avstraliya Qran Prisinə pit-leyndən başlayacaqlar - komanda sıralanma turu və yarış arasındakı vaxt ərzində maşınlara müdaxilə edib.

Toleman komandasının təssiçisi Ted Toulmən hazırda Asvtraliyanın MİNİ Challenge çempionatına başçılıq edir. Ted bu uik-end müəllifi olduğu "Toleman-ın tarixi - Formula1-də son romantiklər" kitabını şəxsən Hispania komandasının sürücüsü Bruno Sennaya təqdim edib.

Mercedes GP komandasının başçısı Ross Braun FİA-ya müraciət edərək Red Bull maşınalrında idarə olunan asılqanların reqlamentə münasibliyi barədə izahat verməsini xahiş edib. Bu sistemin mübahisəli olması barədə dünən şərhçi Ceyms Allen, səhər McLaren komandasının başçısı Martin Uitmarş danışıblar, amma Red Bull komandası reqlamentə zidd olan belə bir sistemdən istifadə olunmasını təkzib edib. Söz FİA-nındır...

Bu gün sıralanma turundan sonra Mixael Şumaher yarışın direktoru Çarli Uaytinqdən sürücülərin hərəkətləri üzrə izahat istəyib. Alman sürücü sıralanma turunun müxtəlif sessiyalarında Lyuis Həmilton və Fernando Alonsonun hərəkətlərindən gileylənib. İspaniyalı sürücü ilə Mixael şəxsən söhbət edib, sonra isə vəziyyəti jurnalistlərə şərh edib...

Red Bull maşınlarının sürəti rəqiblərinə rahatlıq vermir - onlar isə Ədrian Nyuinin kosntruksiyasında qeyri-leqal elementlər axtarırlar. Belə bir element maşının altlığı ilə yol arasındakı məsafəni (klirens) tənzimləyən sistem ola bilər - dünən ilk dəfə sistem barədə şəhrçi Ceyms Allen öz bloqunda danışıb.

Avstraliya Qran Prisinin stüardları Niko Hülkenberqi sərbəst yürüşlər zamanı pit-leyndə sürət həddini aşdığı üçün cərimə ediblər.

Biz McLaren komandasının dünən axşam yaydığı mətbuat relizini sayta qoymuşuq - relizdə Lyuis Həmilton yerli polislərdən üzr istəyib. Avstraliya uik-endin favoritlərindən birinin axşam sərgüzəştləri barədə səhər qəzetlərinin hamısı yazıb - Lyuis "avtoşluq" edirmiş, Melburnun yaxınlığındakı Sent Kild şəhərciyində asfaltda təkərdən tüstü çıxarmaqla dairələr çızırmış...

Bu gün Sauber komandası səhər yürüşlərində arxa antiqanadın effektliyini dəyişən hava kanalını yoxlayıb. Auto Motor und Sport-a müsahibəsində komandanın başçısı Peter Zauber bildirib ki, bu element McLaren-dəkinin nüsxəsi deyil, komandanın müstəqil işidir...

Melburnda sərbəst yürüşlər çoxdan qurtarıb, ona görə də McLaren komandasının bu gecə yaydığı maraqlı reliz bir çoxlarını təəccübləndirib. Relizdə Lyuis Həmilton yerli polislərdən üzr istəyib...

Sauber komandasının əsas sürücüsü olduqdan sonra Pedro de la Rosa sürücülərin həmkarlar ittifaqına (GPDA) həmsədrlikdən imtina edib - Pedro uik-end günləri komandada çox məşğul olur, sürücülərin problemlərinə lazım olan qədər vaxt ayıra bilmir. Ona görə də sürücülər özlərinə yeni lider seçməli olublar, Bəhreyndə seçkilər baş tutmasa da, Melburnda GPDA-ə yeni həmsədr seçilib.