Mövsümün ilk iki yarışında Force İndia komandasının hesabına yalnız Vitantonio Liutsi xallar qazanıb, Malayziyada isə növbə Adrian Sutilə çatıb - dördüncü yerdən start alan alman sürücü startdaca Kubitsanı irəli buraxsa da, beşinci mövqeyini finişə qədər qoruya bilib. Yarışın son dövrələrində Sutil Lyuis Həmiltonun ciddi hücumlarını dəf edə bilib...

Keçən yarışda Robert Kubitsa Renault komandası üçün podium qazanmışdı, Malayziyada isə polşalı sürücü podiumun bir addımlığında dayanıb - amma Renault komandası hələ bütün yarışlarda yalnız bir maşınla finiş görüb. Robertin komanda yoldaşı Vitaliy Petrov əla yarış keçirsə də, yarışı yarışmçıq dayandırmalı olub. Robert isə yarışdan razı qalıb...

Niko Rosberq Malayziyada üçüncü olub və finişdən sonra bildirib ki, bu nəticədən çox razı qalıb - yeni Mercedes komandasının ilk podiumu, amma qələbə dublu qazanmış Red Bull sürücülərində yarışda çata bilməyib. Alman sürücü sırlanma turundan sonra ikinci yerdən start alsa da, elə startdaca Fetteli irəli buraxıb...

Malayziya yarışının taleyi birinci döngədə həll olunub - üçüncü yerdən start alan Sebastyan Fettel Niko Rosberqi və poul qazanmış Mark Uebebri qabaqlayıb. Avstraliyalı sürücü finiş xəttini ikinci keçib və Red Bull-a mövsümün ilk qələbə dublunu qazandırıb, son dövrələrdə isə Mark sürətli dövrəyə də imza atıb...

Malayziyada Sebastyan Fettel əla start alıb, Niko Rosberqi və komanda yoldaşı Mark Uebberi keçib, finişə qədər yüksək tempi saxlayıb və rəqibləri üçün əlçatmaz olub. Mark üçün təsəlliverici faktor son dövrələrdə göstərdiyi sürətli dövrə olub, əlbəttə, bir də Red Bull-un mövsümdə birinci qələbə dublu...

FİA Avstraliya Qran Prisinin təşkilatçılarına məsləhət görüb ki, 2011-ci ildə yarışı daha erkən vaxtda keçirsinlər. Bir həftə əvvəl federasiyanın texniki xidmətlərinin nümayəndləri yarışın sonunda işıqlıq dərəcəsini ölçüblər və onun kifayət qədər olmamasını etiraf ediblər.

Formula1-də 2007-ci ildə çempion olmuş Kimi Rəykkönenin ralli çempionatında işləri tədricən qaydasına düşür. Mövsümün ilk iki yarışında mübarizəni yarımçıq dayandıran finlandiyalı sürücü bu dəfə finişə ilk onluqda yetişib və WRC-də ilk xallarını qazanıb. Bu uik-end Kimi İordaniyada çıxış edib - Ölü dənizin ətraf yolları onun üçün uğurlu olub.

Güclü komandaların sürücüləri sıralanma turunun birinci sessiyasında trasa çıxmağa tələsməyibər - qısamüddətli yağış sessiyanın əvvəlində qurtarıb və proqnoz yeni yağış vəd etməyib, amma meteoroloqlar səhv ediblər və trasa sessiyanın əvvəlində çıxanlar üstünlük qazanıblar.

Mark Uebber karyerasında ikinci poulunu çətin şəraitdə qazanıb: sıralanma turunun sons essiyasında o ən yaxşı nəticəsini keçid təkərlərlə göstərib, amma onun rəqibləri bu zaman risk etməyərək trasa yağış təkərlərlə çıxmışdılar...

Malayziya Qran Prisinin stüardları şənbə sərbəst yürüşlərində pit-leyndə sürət həddini aşdığı üçün Timo Qloku cərimə ediblər.

ABŞ-dan US F1 komandasının bazasının rəsmən bağlanması barədə məlumat alınıb. Amerikanın Charlotte Business Journal jurnalı US F1 komandasının hər bir əməkdaşının işdən çıxarılması barədə bildiriş almasını yazıb, bildirişdə komandanın başçısı Ken Anderson baş verənlərdə "ciddi iqtisadi çətinlikləri və maliyyələşdirmə problemlərini" səbəb göstərib.

Ceff Uillis təcrübəli və mötəbər mühəndisdir. Onun Formula1-də karyerası keçən əsrin 90-cı illərində Leyton House komandası ilə əməkdaşlıqla başlayıb, daha sonra o Ədrian Nyui ilə birlikdə Williams-da çalışıb, Ədrian McLaren-ə keçdikdən sonra aerodinamika şöbəsinə başçılıq edib. Daha sonra o BAR, Honda komandalarında çalışıb və Ədrian Nyui ilə birlikdə Red Bull komandasının texniki departamentinə başçılıq edib. Bu ildən Ceff Hispania komandasının texniki ştabına cəlb olunub.

US F1 komandasının əməkdaşları aprelin 1-dək haqqı ödənilməyən məzuniyyətə buraxılmışdılar, amma komandadan bir xəbər çıxmadığı üçün güman etmək olar ki, komanda tam bağlanıb. Almaniyanın Motorsport-Total qəzetinin verdiyi məlumata görə, komandanın Şarlottadakı bazasına çoxdandır ki, adam ayağı dəymir.

FİA-nın dünən elan etdiyi yan pantonların üzərində güzgülərin yerləşdirilməsinə qadağa İspaniya Qran Prisinə qədər təxirə salınıb.

Cümə sərbəst yürüşlərindən sonra Malayziya Qran Prisinin stüardları pit-leyndə sürət həddini aşdıqları üçün iki sürücünü cərimə ediblər.

Malayziyalı sürücü Fayruz Fauzi bu gün ev Qran Prisinin sərbəst yürüşlərində doğma Lotus komandasının tərkibində rəsmən ilk dəfə trasa çıxıb, elə o dəqiqə də paddoka şayiə yayılıb ki, komanda mövsümün gedişində həmyerlilsinin xidmətlərindən yalnız sərbəst yürüşlərdə deyil, hətta bəzi yarışlarda da yararlanmaq niyyətindədir.

Formal olaraq kinetik enerjinin toplanması sistemi (KERS) reqlamentlə icazəlidir, amma FOTA çərçivəsində komandalar razılaşıblar ki, 2010-cu ildə sistemdən istifadə etməyəcəklər. Amma KERS qayıda bilər - məsələ bu gün Malayziyada baş tutacaq FOTA-nın iclasında müzakirə olunacaq...

Bu gün səhər Felipe Massa və fernando Alonso Philip Morris şirkətinin Malayziyanın Seremban şəhərindəki zavoduna baş çəkiblər - bu zavod Asiya bazarı üçün nəzərdə tutulan ümumi məhsulun 80% istehsal edir.

Bu ilin sonunda Bridgestone Formula1-i tərk edəcək və 2011-ci ildə çempionatı təkərlərlə başqa istehsalçı təchiz edəcək. FİA təkər təchizatına tender elan etməyə hazırlaşır və uzun illər çempionatın təchizatçısı olmuş Michelin şirkəti Formula1-ə qayıtmaq üçün danışıqlar aparır.

Çin Qran Prisindən başlayaraq, komandalara maşınalrın yan pantonları üzərində güzgü quraşdırmaq qadağan olunacaq, çünki güzgülərin bu cür yerləşdirilməsi görməni pisləşdirir və təbii ki, təhlükəsizliyə təsir edir.

Sauber komandası aerodinamik hava kanalı sistemini tezliklə maşına tətbiq etmək istəyir və Malayziyada cümə sərbəst yürüşlərində komanda bu maraqlı sistemin yoxlanmasını davam etdirəcək - oxşar ssitem McLren maşınlarında mövsümün ilk yarışından tətbiq olunur...

Mixael Şumaher Seastyan Fetteli bu mövsümdə titula ən əsas namizəd hesab edir: bu barədə yeddiqat dünya çempionu Petronas şirkətinin Kuala-Lumpurda təşkil etdiyi PR-aksiyanın gedişində söyləyib...

Məlum olduğu kimi bu mövsümdən yarışın gedişində maşınlara yanacaq doldurmaq qadağan olunub, ona görə də komandaların yanacaq dolduran maşınlara ehtiyacı yoxdur. Toro Rosso belə maşınlardan maraqlı istifadənin qeyri-ənənəvi üsullarından birini relizində yayıb...

Dörd Qran Prinin qalibi və 1999-cu ilin vitse-çempionu Əddi İrvayn Britaniyanın talkSport stansiyasında LG Grand Prix Show radioproqramında aparıcılıq edəcək. Jurnalist Əndi Qoldsteynlə birlikdə İrvayn hər Formula1 mərhələsindən sonra trasda və kənarda baş vermiş hadisələri şərh edəcək.

Mövsümöncəsi testlər zamanı Mercedes GP komandasının nümayəndələri deyirdilər ki, komandanın tezliklə uğur qazanmasına ümid etmirlər - amma mövsümün gedişində maşını təkmilləşdirməklə, liderlərə yaxınlaşmağı planlaşdırırlar.

Beynəlxalq Avtomobil Federasiyasının (FİA) nümayəndələri bildiriblər ki, hazırda RB6 maşınının konstruksiyasının Formula1-in texniki reqalmentə uyğunluğunu araşdırmaqla məşğul deyillər.

FİA-nın hakimlərinə dünya çempionatının yarışlarında kömək etməyə çağırılan üçüncü sürücü Conni Herbert olub. Conni 1989-2000-ci illərdə Formula1-də 100-dən artıq Qran Pri keçirib və 3 qələbə qazanıb, 45 yaşlı sürücü hələ də müxtəlif seriyalarda sükan arxasına oturur, indi isə "sütardların köməkçisi" rolunda Alen Prost və Tom Kristenseni əvəz edəcək.

Əgər Bəhreyn Qran Prisində ən çox müzakirə olunan texniki yenilik McLaren maşınlarının arxa antiqaandına havayönləndirən sistem olmuşdusa, Avstraliyada diqqət mərkəzinə Red Bull maşınalrında klirensin səviyyəsini tənzimləyən sistem çıxıb. Rəqiblər Kristian Horneri qaydaları özü istədiyi kimi yozmaqda ittiham ediblər - nəticədə komanda trasda böyük üstünlük əldə edib.

Yarış maşınları üçün əyləc sistemləri hazırlayan Brembo şirkəti Melburnda Sebastyan Fettelin yarışı yarımçıq dayandırmasına səbəb əyləcin olması xəbərlərini təkzib edib. Fettel rəqiblərini böyük üstünlüklə qabaqlayırmış, amma onun RB6-da qabaq sol təkərlə yaranmış mexaniki problemlər üzündən trasdan çıxıb.

Keçmiş Formula1 sürücüsü Dəvid Kulthard hazırda Red Bull komandasında məsləhətçi və BBC telekanalında şərhçi kimi çalışır, şotlandiyalı sürücü The Daily Telegraph qəzetində apardığı köşədə Lyuis Həmiltonun düşdüyü vəziyyətdən narahat olduğunu və gənc sürücüyə məsləhət vermək istədiyini bildirib...