Avstraliya Qran Prisinin stüardları yarışın sonuna iki dövrə qalmış Mark Uebber və Lyuis Həmilton arasında baş vermiş insidenti araşdırıblar.

Mixael Şumaher hesab edir ki, Melburnda o podium qazana bilərdi, amma birinci döngədəki insident onun ümidlərini puç edib: Fernando Alonso ilə toqquşmadan sonra yeddiqat dünya çempionu yeni antiqanad üçün pit-stopa getməli olub. Son yerlərdən irəliləyən alman sürücü yarışı 10-cu yerə başa vurub - son dövrələrdə o Xayme Algersuari və Pedro de la Rosanı qabaqlayıb...

Dünən sıralanma turunda qazanılmış uğurdan sonra hamı elə bilirdi ki, Red Bull sürücüləri qələbəni öz aralarında bölüşdürəcəklər, amma Sebastyan Fettel yarışı yarımçıq dayandırıb, Mark Uebber isə yalnız doqquzuncu olub...

Williams komandasının heyətində ikinci yarışında da Rubens Barrikello xal toplaya bilib. Düzdür, braziliyalı sürücü hesab edir ki, yarışı yeddinci yerdə də başa vura bilərdi...

Dünən sıralanma turunda Force İndia maşınalrı bir daha sürətli olmalarını nümayiş etdiriblər - Adrian Sutil yenə də son sessiyaya keçə bilib. Amma yarışda iki həftə əvvəl Bəhreyndə olduğu kimi alman sürücünün komanda yoldaşı Vitantonio Liutsi fərqlənib - italiyalı sürücü ikinci ardıcıl yarışda xal qazanıb...

Avstraliya yarışından sonra Lyuis Həmilton bildirib ki, bu yarış onun karyerasında ən yaxşı yarışlardan biri olub, amma komandanın taktiki səhvi və Mark Uebberin səhvi üzündən o yüksək nəticəni əldən verib.

Mövsümün ikinci yarışında da Mercedes GP komandasının hər iki sürücüsü xal qazana bilib. Gənc sürücü Niko Rosberq iki həftə əvvəlki nəticəsini təkrarlayıb - Avstraliyada o finişi beşinci keçib...

İki həftə əvvəl Ferrari komandası qələbə dublu qazanmışdı, amma Bəhreyndən fərqli olaraq Avstraliyada artıq sıralanma turu komanda üçün gözlənilməz alınıb. Yarışda isə Fernando Alonso özündən arxadan start alan komanda yoldaşı Felipe Massaya uduzub, çempionatın lideri bu dəfə yalnız dördüncü olub...

Karyerasında mövsümə ən yaxşı nəticə ilə başlayan Felipe karyerasında ən yaxşı Avstraliya yarışını da keçirib. Mövsümün ilk iki yarışını podiumda başa vuran yeganə sürücü Felipe olub...

Albert Parkdakı yarışın ən başlıca sensasiyası Robert Kubitsanın podiumu olub. Polşalı sürücü "böyük dördlüyün" maşınlarından sürətdə geri qalsa da, Qran Prini əla keçirib və finiş xəttini ikinci keçib. Renault-nun lideri əla start alıb, doqquzuncu yerdən dördüncü yerə yüksəlib, ilk pitindən sonra bir mövqe də qazanıb və Sebastyan Fettelin yarışdan kənar qalmasından sonra ikinci yerə yüksəlib.

Qurumaqda olan trasda ən erkən təkər dəyişməklə risk edən Censon Batton böyük üstünlük qazanıb və inamla qələbə qazanıb - bu onun McLaren-də ilk, karyerasında isə səkkizinci qələbəsidir...

Formula1 sürücüləri arxanı göstərən güzgülərin konstruksiyasının dəyişdirilməsi üçün məsələyə FİA-nın qarışmasına çağırıblar: onlar narahatdırlar ki, bu il görmə problemi lap kəskinləşib. Melburnda sərbəst yürüşlərdə və sıralanma turunda bir neçə hal olub ki, sürücülər arxadan gələn maşınları görmədikləri üçün onları bloka salıblar.

Timo Qlok və Lukas di Qrassi Avstraliya Qran Prisinə pit-leyndən başlayacaqlar - komanda sıralanma turu və yarış arasındakı vaxt ərzində maşınlara müdaxilə edib.

Toleman komandasının təssiçisi Ted Toulmən hazırda Asvtraliyanın MİNİ Challenge çempionatına başçılıq edir. Ted bu uik-end müəllifi olduğu "Toleman-ın tarixi - Formula1-də son romantiklər" kitabını şəxsən Hispania komandasının sürücüsü Bruno Sennaya təqdim edib.

Mercedes GP komandasının başçısı Ross Braun FİA-ya müraciət edərək Red Bull maşınalrında idarə olunan asılqanların reqlamentə münasibliyi barədə izahat verməsini xahiş edib. Bu sistemin mübahisəli olması barədə dünən şərhçi Ceyms Allen, səhər McLaren komandasının başçısı Martin Uitmarş danışıblar, amma Red Bull komandası reqlamentə zidd olan belə bir sistemdən istifadə olunmasını təkzib edib. Söz FİA-nındır...

Bu gün sıralanma turundan sonra Mixael Şumaher yarışın direktoru Çarli Uaytinqdən sürücülərin hərəkətləri üzrə izahat istəyib. Alman sürücü sıralanma turunun müxtəlif sessiyalarında Lyuis Həmilton və Fernando Alonsonun hərəkətlərindən gileylənib. İspaniyalı sürücü ilə Mixael şəxsən söhbət edib, sonra isə vəziyyəti jurnalistlərə şərh edib...

Red Bull maşınlarının sürəti rəqiblərinə rahatlıq vermir - onlar isə Ədrian Nyuinin kosntruksiyasında qeyri-leqal elementlər axtarırlar. Belə bir element maşının altlığı ilə yol arasındakı məsafəni (klirens) tənzimləyən sistem ola bilər - dünən ilk dəfə sistem barədə şəhrçi Ceyms Allen öz bloqunda danışıb.

Avstraliya Qran Prisinin stüardları Niko Hülkenberqi sərbəst yürüşlər zamanı pit-leyndə sürət həddini aşdığı üçün cərimə ediblər.

Biz McLaren komandasının dünən axşam yaydığı mətbuat relizini sayta qoymuşuq - relizdə Lyuis Həmilton yerli polislərdən üzr istəyib. Avstraliya uik-endin favoritlərindən birinin axşam sərgüzəştləri barədə səhər qəzetlərinin hamısı yazıb - Lyuis "avtoşluq" edirmiş, Melburnun yaxınlığındakı Sent Kild şəhərciyində asfaltda təkərdən tüstü çıxarmaqla dairələr çızırmış...

Bu gün Sauber komandası səhər yürüşlərində arxa antiqanadın effektliyini dəyişən hava kanalını yoxlayıb. Auto Motor und Sport-a müsahibəsində komandanın başçısı Peter Zauber bildirib ki, bu element McLaren-dəkinin nüsxəsi deyil, komandanın müstəqil işidir...

Melburnda sərbəst yürüşlər çoxdan qurtarıb, ona görə də McLaren komandasının bu gecə yaydığı maraqlı reliz bir çoxlarını təəccübləndirib. Relizdə Lyuis Həmilton yerli polislərdən üzr istəyib...

Sauber komandasının əsas sürücüsü olduqdan sonra Pedro de la Rosa sürücülərin həmkarlar ittifaqına (GPDA) həmsədrlikdən imtina edib - Pedro uik-end günləri komandada çox məşğul olur, sürücülərin problemlərinə lazım olan qədər vaxt ayıra bilmir. Ona görə də sürücülər özlərinə yeni lider seçməli olublar, Bəhreyndə seçkilər baş tutmasa da, Melburnda GPDA-ə yeni həmsədr seçilib.

Avstraliya Qran Prisinin stüardları cümə sərbəst yürüşlərində pit-leyndə sürət həddini aşdıqları üçün üç sürücünü müxtəlif məbləğlərə cərimə edib.

Albert Parkda sərbəst yürüşlərdə pit-leyndə sürəti FİA digər traslarda olduğu kimi 60 km/saat sürətlə məhdudlaşdırıb. Adətən sıralanma turunda və yarışlarda bu məhdudiyyət 100 km/saata kimi qaldırılır, amma bu gün FİA-nın texniki nümayəndəsi Çarli Uaytinq elan edib ki, şənbə və bazar günləri təhlükəsizlik baxımından məhdudiyyət 60 km/saat saxlanılacaq.

Dünən Sebastyan Fettel Ron Dennisin versiyasnı təkzib edib - Ron güman edirdi ki, Red Bull komandası Bəhreyn Qran Prisindən real qələbənin əldən verilməsi səbələrini bildirmir. Əvvəlcə komanda səbəb kimi qazburaxma sisteminin nasazlığını göstərsə də, sonra digər səbəb göstərilmişdi: yanma şamı.

Almaniyanın Auto Motor und Sport jurnalının yaydığı məlumata görə, çempionatın debütantı ciddi problemlərlə üzləşib: hesablamada səhvə yol verildiyi üçün Virgin komandasının maşınının yanacaq bakı çox balaca alınıb və bütün yarışı məsafəsini qət etmək üçün zəruri olan yanacaq miqdarına bəs etmir.

Keçən il Avstraliya yarışının startını axşama yaxın vaxta keçirmişdilər - avropalı tamaşaçılar bazar günü səhər yarışı normal vaxtda izləsələr də, Melburnda batmaqda olan günəşin iti şüaları sürücülərə mane olmuşdu və finişdən sonra bir çoxları çempionat rəhbərliyinin və Qran Pri təşkilatçıalrının qərarını tənqid etmişdi. Tənqidə qulaq asan olmayıb - keçən il yarışın televiziya reytinqləri artdığı üçün qərar qüvvədə saxlanılıb...

Avstraliya Qran Prisində FİA-nın adlarını çəkmədiyi dörd komandanın maşınlarında diffuzorun konstruksiyası reqlamentə edilmiş son düzəlişə əsasən dəyişdirilməlidir - ekspertlər hesab edirlər ki, bu komandalar McLaren, Mercedes GP, Renault və Force İndia komandalarıdır.

Ferrari komandası elan edib ki, komandanın Shell şirkəti ilə texniki və kommersiya əməkdaşlığı daha beş il davam edəcək...

Bu gün Melburnda Mixael Şumaher Bridgestone şirkətinin Avstraliya Avtomobil Assosiasiyası ilə birlikdə FİA-nın Make Cars Green ekoloji proqramı çərçivəsində keçirdiyi tədbirdə iştirak edib.