Avstraliya Qran Prisi: Yarış

Quru. Günəşli. Havanın temperaturu +17° C, trasın temperaturu +23° C

Mövsümün ilk Qran Prisinın sıralanma turu yeni maşınların sürətlərini ilkin qiymətləndirməyə imkan verdi, amma startdan əvvəl məchulların sayı olduqca çox idi - komandalar testlərdə yarışı imitasiya etmişdilər, amma heç kim bilmirdi ki, Melburnda nə qədər pit-stop etmək lazım gələcək və Pirelli təkəri uzun məsafədə özünü necə aparacaq.

Sürücülərin düzümü də maraqlı idi. Sebastyan Fettel poul qazanmışdı, amma ilk beşlikdə dörd dünya çempionu start alırdı və onlardan hər biri mövsümə maksimum nəticə ilə başlamaq istəyirdi.

Startda ilk üçlük mövqeyini qoruyub saxlaya bilib, Petrov dördüncü yerə yüksəlib, Alonso isə doqquzuncu yerə düşüb. Şumaher, Algersuari və Barrikello təmasdan qurtula bilmyəiblər, Rubens çınqıllığa düşüb, Xayme və Mixael isə boksa getməli olublar.

Fettel peletondan sürətlə uzaqlaşıb, arxada yalnız Batton Massa ilə beşinci yer uğrunda mübarizə aparıb. 12-ci dövrədə britaniyalı sürücü şikananı kəsərək irəli çıxıb, amma qaydalara uyğun olaraq, Massanı irəli buraxmaq əvəzinə, sürətlə uzaqlaşmağa başlayıb. Bir qədər sonra isə Alonso da komanda yoldaşını üstələyib. Bir neçə dövrədən sonra isə stüardlar Battonu pit-leyndən keçməklə cərimə ediblər.

12-ci dövrədə Mark Uebber planlı ilk pit-stopunu reallaşdırıb, ondan bir dövrə sonra Alonso və daha bir dövrə sonra Massa Ferrari mexaniklərinin qonağı olublar. Fettelin maşınında təkər yeyildiyindən sürəti aşağı düşüb və Həmilton fərqi azaltmağa başlayıb. Fettel təkərlərini yenilədikdən sonra Battonun arxasına düşüb, amma tezliklə britaniyalı sürücünü xarici radiusla keçərək RB7-nin yavaş döngələrdə nə qədər sürətli olmasını göstərib. 16-cı dövrədə Həmilton və Petrov da ilk pit-stoplarını gerçəkləşdiriblər.

23-cü dövrədə Mixael Şumaher yarışı dayandırıb, Barrikello və Rosberq 8-ci yer uğrunda mübarizədə toqquşublar və Niko yarışdan kənar qalıb - Mercedes GP mövsümün ilk yarışında tam uğrsuzluğa uğrayıb. Stüardlar insidentdə Rubensi günahkar hesab ediblər və braziliyalı sürücü də pit-leyndən keçməklə cərimə olunub.

27-ci dövrədə Uebber yenə də ikinci pit-stoplar dalğasına start verib, bir dövrə sonra Alonso təkərlərini dəyişib, Massa isə 32-ci dövrədə pit-stopa baş çəkib. Fettel, Həmilton və Petrov 35-ci dövrədə, Batton və Sutil isə 38-ci dövrədə sonuncu dəfə təkər dəyişiblər.

42-ci dövrədə Uebber üçüncü və sonuncu dəfə təkərləri dəyişib, bir dövrə sonra isə Alonso da eyni addımı atıb - ispaniyalı sürücü Markın önündə trasa qayıdıb. Sürücülər dördüncü yer uğrunda mübarizəyə giriblər, amma Mark KERS-dən istifadə etməyib, Fernando isə düz yolda sürətli olub.

48-ci dövrədə Batton altıncı yer uğrunda Massanı qabaqlayıb, bundan sonra Felipe sonuncu pit-stopunu reallaşdırıb. 10-cu yerdə trasa qayıdan braziliyalı sürücü bir neçə dövrədən sonra Sebastyen Buemini qabaqlayaraq doqquzuncu olub.

Sebastyan Fettel karyerasında 11-ci qələbəsini qazanaraq yeni mövsümə qələbə ilə başlayıb. Lyuis Həmilton finişdə ikinci olub, Vitaliy Petrov isə karyerasında birinci podiumunu qazanıb.

İlk üçlük yarışı iki pit-stopla keçirib, Serxio Peres isə cəmi bircə dəfə təkərini dəyişib - Pirelli heç də gözlənildiyi kimi pis təsir bağışlamayıb...
Quru. Günəşli. Havanın temperaturu +17° C, trasın temperaturu +23° C

Yer	Pilot	Komanda	Motor	Vaxt
01	S.Fettel	Red Bull	Renault	1.29:30.259
02	L.Həmilton	McLaren	Mercede	+ 0:22.297
03	V.Petrov	Lotus Renault GP	Renault	+ 0:30.560
04	F.Alonso	Ferrari	Ferrari	+ 0:31.772
05	M.Uebber	Red Bull	Renault	+ 0:38.171
06	C.Batton	McLaren	Mercedes	+ 0:54.300
07	F.Massa	Ferrari	Ferrari	+ 1:25.100
08	S.Buemi	Toro Rosso	Ferrari	+ 1 dövrə
09	A.Sutil	Force İndia	Mercedes	+ 1 dövrə
10	P.di Resta	Force İndia	Mercedes	+ 1 dövrə
11	X.Algersuari	Toro Rosso	Ferrari	+ 1 dövrə
12	N.Haydfeld	Lotus Renault GP	Renault	+ 1 dövrə
13	Y.Trulli	Team Lotus	Renault	+ 2 dövrə
14	J.D'Ambrozio	Marussia Virgin	Cosworth	+ 4 dövrə
15	S.Peres	Sauber	Ferrari	diskval
16	K.Kobayaşi	Sauber	Ferrari	diskval
-	T.Qlok	Marussia Virgin	Cosworth	-
-	R.Barrikello	Williams	Cosworth	-
-	N.Rosberq	Mercedes GP	Mercedes	-
-	H.Kovalaynen	Team Lotus	Renault	-
-	M.Şumaher	Mercedes GP	Mercedes	-
-	P.Maldonado	Williams	Coswort	-
-	V.Liutsi	Hispania	Cosworth	-
-	N.Kartikeyan	Hispania	Cosworth	-

Sürətli dövrə: Felipe Massa (Ferrari) - 1:28.947 (55-ci dövrə).

Qeyd: V.Liutsi və N.Kartikeyan sıralanma turunda 107% həddini keçə bilmədikləri üçün yarışda start almayıblar.
Sauber sürücüləri yarışdan sonra diskvalifikasya olunublar.

Turnir cədvəli:

Yer	Pilot	Komanda	Motor	Xal
01	S.Fettel	Red Bull	Renault	25
02	L.Həmilton	McLaren	Mercede	18
03	V.Petrov	Lotus Renault GP	Renault	15
04	F.Alonso	Ferrari	Ferrari	12
05	M.Uebber	Red Bull	Renault	10
06	C.Batton	McLaren	Mercedes	8
07	F.Massa	Ferrari	Ferrari	6
08	S.Buemi	Toro Rosso	Ferrari	4
09	A.Sutil	Force İndia	Mercedes	2
10	P.di Resta	Force İndia	Mercedes	1
11	X.Algersuari	Toro Rosso	Ferrari	0
12	N.Haydfeld	Lotus Renault GP	Renault	0
13	Y.Trulli	Team Lotus	Renault	0
14	J.D'Ambrozio	Marussia Virgin	Cosworth	0
15	S.Peres	Sauber	Ferrari	0
16	K.Kobayaşi	Sauber	Ferrari	0
17	T.Qlok	Marussia Virgin	Cosworth	0
18	R.Barrikello	Williams	Cosworth	0
19	N.Rosberq	Mercedes GP	Mercedes	0
20	H.Kovalaynen	Team Lotus	Renault	0
21	M.Şumaher	Mercedes GP	Mercedes	0
22	P.Maldonado	Williams	Coswort	0
23	V.Liutsi	Hispania	Cosworth	0
24	N.Kartikeyan	Hispania	Cosworth	0

Yer	Komanda	Motor	Xal
01	Red Bull	Renault	35
02	McLaren	Mercedes	26
03	Ferrari	Ferrari	18
04	Lotus Renault GP	Renault	15
05	Toro Rosso	Ferrari	4
06	Force İndia	Mercedes	3
07	Sauber	Ferrari	0
08	Team Lotus	Renault	0
09	Marussia Virgin	Renault	0
10	Williams	Cosworth	0
11	Mercedes GP	Mercedes	0
12	Hispania	Cosworth	0