Yarış

Quru, yarışın sonunda yağış. Buludlu. Havanın temperaturu +14° C, trasın temperaturu +16° C

Bu il Formula1-in Spa uik-endinin heç bir sessiyası yağışsız ötüşməyib. Hava proqnozu yarışa da böyük ehtimalla yağış yağmasını söyləyirdi. Nəticədə məhz yağış Qran Prinin həlledici faktoru oldu.

Startda Uebber ləngiyib, Həmilton liderliyi ələ alıb, ikinci dövrədə isə yağış yağmağa başlayıb. Barrikello arxadan Alonsoya çırpılıb və trasa Təhlükəsizlik Maşını (TM) çıxıb. Rubens üçün yubiley 300-cü yarış elə burdaca bitib, Fernando isə keçid təkərlər üçün pitə daxil olub. Amma yağış kəsdiyi üçün sürücülərin heç biri təkərini dəyişməyib.

Restart zamanı Fettel Kubitsanı qabaqlayaraq üçüncülüyə yüksəlib, bir dövrə sonra isə Alonso sliklər üçün boksa qayıtmalı olub.

On birinci dövrədə Petrov Rosberqi qabaqlayıb, Niko əks hücuma atılıb, fürsətdən istifadə edən Şumaher də komanda yoldaşına hücum edib - iki Mercedes kiçik təmas yaşayıb, Mixael önə keçib, Niko isə ön antiqanadın kiçik bir elementini itirib.

Fettel ikinci yer uğrunda Battona bir neçə hücum edib, Həmilton isə 15-ci dövrədə bu cütlük üzərində üstünlüyünü artıq 9 saniyəyə çatdırıb. İki dövrə sonra növbəti hücum qəza ilə nəticələnib - Censon mübarizəni dayandırıb, yeni burun elementi ilə trasa qayıdan Sebastyan isə stüardlar tətəfindən cərimə alıb. Bununla da alman sürücünün xal qazanmaq şansı puç olub.

Yarışın düz ortasında Sutil ilk pit-stopunu reallaşdırıb, bir dövrə sonra Uebber, 24-cü dövrədə Kubitsa və Massa, 25-ci dövrədə isə Həmilton yumşaq təkərləri bərk təkərlərə dəyişiblər və Lyuis liderliyini saxlayıb. Fettel Liutsini keçərkən daha bir təmas yaşanıb - italiyalı sürücü burun elementini itirib, alman sürücünün maşınında isə təkər partlayıb.

Mercedes GP komandası yağışı gözlədiyi üçün sürücüləri pitə çağırmayıb, nəhayət 35-ci dövrədə liderlər pit-leynə girişi keçdikdən sonra yağış başlayıb. İlk dördlükdən başqa arxada gələn bütün sürücülər yağış təkərləri üçün pit-leynə axışıblar. Növbəti dövrədə isə Həmilton, Kubitsa, Uebber və Massa pit-stop ediblər - Kubitsa vaxt itirdiyi üçün trasa Uebberin arxasında qayıdıb. Rosberq isə doqquzuncu yerdən yeddinci yerə yüksəlib.

Yağış güclənib və yeddinci döngənin çıxışında Alonso qəzaya uğrayıb və trasa yenə TM çıxıb.

Finişə dörd dövrə qalmış restart elan olunub, Rosberq Kobayaşi və Şumaheri keçib. Finişə qədər başqa insident baş verməyib. Lyuis Həmilton karyerasında 14-cü, mövsümdə isə üçüncü qələbəsini qazanıb. Şəxsi hesabda Lyuis liderliyi ələ alıb, amma Mühəndislər Kubokunda Red Bull McLaren-i cəmi bir xal qabaqlayır. Bizi çempionatın çox maraqlı sonluğu gözləyir!

Yer	Pilot	Komanda	Motor	Vaxt
01	L.Həmilton	McLaren	Mercede	1:29:04.268
02	M.Uebber	Red Bull	Renault	+ 0:01.571
03	R.Kubitsa	Renault	Renaul	+ 0:03.493
04	F.Massa	Ferrari	Ferrari	+ 0:08.264
05	A.Sutil	Force İndia	Mercedes	+ 0:09.094
06	N.Rosberq	Mercedes GP	Mercedes	+ 0:12.359
07	M.Şumaher	Mercedes GP	Mercedes	+ 0:15.548
08	K.Kobayaşi	BMW Sauber	Ferrari	+ 0:16.678
09	V.Petrov	Renault	Renault	+ 0:23.851
10	V.Liutsi	Force İndia	Mercedes	+ 0:34.831
11	P.de la Rosa	BMW Sauber	Ferrari	+ 0:36.019
12	S.Buemi	Toro Rosso	Ferrari	+ 0:39.895
13	X.Algersuari	Toro Rosso	Ferrari	+ 0:49.457 *
14	N.Hülkenberq	Williams	Coswort	+ 1 dövrə
15	S.Fettel	Red Bull	Renault	+ 1 dövrə
16	H.Kovalaynen	Lotus	Coswort	+ 1 dövrə
17	L.di Qrassi	Virgin	Cosworth	+ 1 dövrə
18	T.Qlok	Virgin	Cosworth	+ 1 dövrə
19	Y.Trulli	Lotus	Cosworth	+ 1 dövrə
20	S.Yamamoto	Hispania	Cosworth	+ 2 dövrə
-	F.Alonso	Ferrari	Ferrari	-
-	C.Batton	McLaren	Mercedes	-
-	B.Senna	Hispania	Cosworth	-
-	R.Barrikello	Williams	Cosworth	>

Sürətli dövrə: Lyuis Həmilton (McLaren) - 1:49.069 (32-ci dövrə).

Qeyd: Xayme Algersuari yekun nəticəsinə 20 saniyə əlavə edilməklə cərimə olunub.

Turnir cədvəli:

Yer	Pilot	Komanda	Motor	Xal
01	L.Həmilton	McLaren	Mercede	182
02	M.Uebber	Red Bull	Renault	179
03	S.Fettel	Red Bull	Renault	151
04	C.Batton	McLaren	Mercedes	147
05	F.Alonso	Ferrari	Ferrari	141
06	F.Massa	Ferrari	Ferrari	109
07	R.Kubitsa	Renault	Renaul	104
08	N.Rosberq	Mercedes GP	Mercedes	102
09	A.Sutil	Force İndia	Mercedes	45
10	M.Şumaher	Mercedes GP	Mercedes	44
11	R.Barrikello	Williams	Cosworth	30
12	K.Kobayaşi	BMW Sauber	Ferrari	21
13	V.Petrov	Renault	Renault	19
14	V.Liutsi	Force İndia	Mercedes	13
15	N.Hülkenberq	Williams	Coswort	10
16	S.Buemi	Toro Rosso	Ferrari	7
17	P.de la Rosa	BMW Sauber	Ferrari	6
18	X.Algersuari	Toro Rosso	Ferrari	3
19	H.Kovalaynen	Lotus	Coswort	0
20	K.Çandhok	Hispania	Cosworth	0
21	L.di Qrassi	Virgin	Cosworth	0
22	Y.Trulli	Lotus	Cosworth	0
23	B.Senna	Hispania	Cosworth	0
24	T.Qlok	Virgin	Cosworth	0
25	S.Yamamoto	Hispania	Cosworth	0

Yer	Komanda	Motor	Xal
01	Red Bull	Renault	330
02	McLaren	Mercedes	329
03	Ferrari	Ferrari	250
04	Mercedes GP	Mercedes	146
05	Renault	Renault	123
06	Force İndia	Mercedes	58
07	Williams	Cosworth	40
08	Sauber	Ferrari	27
09	Toro Rosso	Ferrari	10
10	Lotus	Cosworth	0
11	Hispania	Cosworth	0
12	Virgin	Cosworth	0