Yarış

Quru. Buludlu. Havanın temperaturu +23° C, trasın temperaturu +35° C

Almaniya Qran Prisinin start düzümü maraqlı yarış vəd edirdi, Red Bull sürücülərini bir-birindən Ferrari sürücüləri ayırırdılar, McLaren sürücüləri isə üçüncü cərgədən yarışa qatılacaqdılar. Mövsümün bir çox yarışlarında Red Bull sıralanma turunda qazandığı üstünlüyü yarışda əldən verib, ona görə də start maraqla gözlənilirdi.

Startda isə hər iki Ferrari sürücüsü Fetteli qabaqlayıb - Massa liderliyi ələ alıb, Həmilton isə Batton və Uebberi keçib, Toro Rosso və Force İndia sürücüləri isə tam heyətlə boksa yönəliblər. Növbəti dövrələrdə vəziyyət stabilləşib və hamı ilk pit-stopları gözləyib.

Artıq 13-cü dövrədə Fettel təkərlərini dəyişib, növbəti dövrədə Alonso və Uebber, 15-ci dövrədə Massa, Həmilton, Şumaher, Barrikello və Kobayaşi pitə müraciət ediblər. Bəzi sürücülər SuperSoft təkərlərlə tempi itirmədən daha böyük məsafə qət ediblər. Batton 23-cü dövrədə pit-stop keçirməklə Uebberi qabaqlayıb və düz komanda yoldaşının arxasına düşüb. Növbəti dövrədə pit-stop keçirən Petrov isə Kobayaşi və Barrikellonu qabaqlayıb.

Niko Hülkenberq yalnız 35-ci dövrədə yumşaq təkərlərini bərk təkərlərə dəyişib. Daha bir dövrə sonra isə Pedro de la Rosa bərk təkərləri yumşaq təkərlərlə əvəzləyib.

Ferrari sürücüləri bir-birinin ardınca sürətli dövrələr göstəriblər, Alonso Massanın tam arxasında yarışı davam etdirib, amma 48-ci dövrədə Felipe qulaqlarında komandanın əmrini eşidib və növbəti dövrədə Alonsonu irəli buraxıb.

60-cı dövrədə isə Pedro Kovalaynenin maşınına toxunub və ön antiqanadını dağıdıb, Pedro yeni antiqanadla yarışı davam etdirib, Heykki isə yarışı dayandırıb.

Fernando Alonso mövsümdə ikinci, karyerasında isə 23-cü qələbəsini qazanıb, Felipe Massa qırmızı Skuderiyaya mövsümün ikinci dublunu qazandırıb. Çempionatda mübarizə bir az da gərginləşib...

Yer	Pilot	Komanda	Motor	Vaxt
01	F.Alonso	Ferrari	Ferrari	1:27:38.864
02	F.Massa	Ferrari	Ferrari	+ 0:04.196
03	S.Fettel	Red Bull	Renault	+ 0:05.121
04	L.Həmilton	McLaren	Mercede	+ 0:26.896
05	C.Batton	McLaren	Mercedes	+ 0:29.482
06	M.Uebber	Red Bull	Renault	+ 0:43.606
07	R.Kubitsa	Renault	Renaul	+ 1 dövrə
08	N.Rosberq	Mercedes GP	Mercedes	+ 1 dövrə
09	M.Şumaher	Mercedes GP	Mercedes	+ 1 dövrə
10	V.Petrov	Renault	Renault	+ 1 dövrə
11	K.Kobayaşi	BMW Sauber	Ferrari	+ 1 dövrə
12	R.Barrikello	Williams	Cosworth	+ 1 dövrə
13	N.Hülkenberq	Williams	Coswort	+ 1 dövrə
14	P.de la Rosa	BMW Sauber	Ferrari	+ 1 dövrə
15	X.Algersuari	Toro Rosso	Ferrari	+ 1 dövrə
16	V.Liutsi	Force İndia	Mercedes	+ 2 dövrə
17	A.Sutil	Force İndia	Mercedes	+ 2 dövrə
18	T.Qlok	Virgin	Cosworth	+ 3 dövrə
19	B.Senna	Hispania	Cosworth	+ 4 dövrə
-	H.Kovalaynen	Lotus	Coswort	-
-	L.di Qrassi	Virgin	Cosworth	-
-	S.Yamamoto	Hispania	Cosworth	-
-	Y.Trulli	Lotus	Cosworth	-
-	S.Buemi	Toro Rosso	Ferrari	-

Sürətli dövrə: Sebastyan Fettel (Red Bull) - 1:15.824 (67-ci dövrə).

Turnir cədvəli:

Yer	Pilot	Komanda	Motor	Xal
01	L.Həmilton	McLaren	Mercede	157
02	C.Batton	McLaren	Mercedes	143
03	M.Uebber	Red Bull	Renault	136
04	S.Fettel	Red Bull	Renault	136
05	F.Alonso	Ferrari	Ferrari	123
06	N.Rosberq	Mercedes GP	Mercedes	94
07	R.Kubitsa	Renault	Renaul	89
08	F.Massa	Ferrari	Ferrari	85
09	M.Şumaher	Mercedes GP	Mercedes	38
10	A.Sutil	Force İndia	Mercedes	35
11	R.Barrikello	Williams	Cosworth	29
12	K.Kobayaşi	BMW Sauber	Ferrari	15
13	V.Liutsi	Force İndia	Mercedes	12
14	V.Petrov	Renault	Renault	7
15	S.Buemi	Toro Rosso	Ferrari	7
16	X.Algersuari	Toro Rosso	Ferrari	3
17	N.Hülkenberq	Williams	Coswort	2
18	P.de la Rosa	BMW Sauber	Ferrari	0
19	H.Kovalaynen	Lotus	Coswort	0
20	K.Çandhok	Hispania	Cosworth	0
21	L.di Qrassi	Virgin	Cosworth	0
22	Y.Trulli	Lotus	Cosworth	0
23	B.Senna	Hispania	Cosworth	0
24	T.Qlok	Virgin	Cosworth	0
25	S.Yamamoto	Hispania	Cosworth	0

Yer	Komanda	Motor	Xal
01	McLaren	Mercedes	300
02	Red Bull	Renault	272
03	Ferrari	Ferrari	208
04	Mercedes GP	Mercedes	132
05	Renault	Renault	96
06	Force İndia	Mercedes	47
07	Williams	Cosworth	31
08	Sauber	Ferrari	15
09	Toro Rosso	Ferrari	10
10	Lotus	Cosworth	0
11	Hispania	Cosworth	0
12	Virgin	Cosworth	0