Yarış

Quru. Günəşli. Havanın temperaturu +22° C, trasın temperaturu +40° C

Birinci döngədə Mark Uebber pouldan start almış komanda yoldaşı Sebastyan Fetteli qabaqlayıb, əks-hücuma atılan alman sürücünün maşınında Lyuis Həmiltonla mübarizə zamanı arxa sağ təkəri deşilib və Maggots döngəsində trasdan çıxıb. Üçüncü yerdən start almış Fernando Alonso da bir neçə mövqe itirib, hətta onu qabaqlamış komanda yoldaşı Felipe Massaya hücum zamanı braziliyalı sürücünün maşınında arxa sağ təkəri partladıb - Fettel və Massa pitə təkər dəyişməyə yollanıblar.

Uebber və Həmilton sürətlə peletondan uzaqlaşmağa başlayıblar, artıq onuncu dövrədə avstraliyalı sürücü Lyuisi 3.0 saniyə, Robert Kubitsanı isə 14.0 saniyə qabaqlayıb. Onuncu dövrədə Lukas di Qrassi maşını boksda saxlamalı olub, iki dövrə sonra isə planlı pit-stoplar başlayıb - yumşaq təkərləri bərk təkərlərə birinci Mixael Şumaher dəyişib. 13-cü dövrədə mexaniklər Alonsonu, Barrikellonu və Kobayaşini, 14-cü dövrədə Kubitsa və de la Rosanı, 16-cıda Rosberqi, Sutili, Petrovu və Həmiltonu qəbul ediblər. 17-ci dövrədə pitə müraciət edən Uebber trasa lider olaraq qayıdıb.

Pitdən sonra Rosberq Kubitsanı qabaqlasa da, Alonso polşalı sürücünün arxasında qalıb və on səkkizinci dövrədə döngəni kəsməklə rəqibini qabaqlayıb. Bu manevrdən iki dövrə sonra Robert boksda yarışı dayandırıb. İyirmi ikinci dövrədə isə Batton təkər dəyişimi edib.

İyirmi altıncı dövrədə stüardlar Alonsoya pit-leyndən keçməklə cərimə elan ediblər, elə bu dövrədə Sutil və de la Rosa yüngül toqquşma yaşayıblar, nəticədə ispaniyalı sürücünün maşınında arxa antiqanad dağılıb və trası qırıntılarla doldurub. Bir dövrədən sonra trasa Təhlükəsizlik Maşını (TM) çıxıb.

Otuzuncu dövrədə TM trası tərk etdikdən sonra Alonso cəriməsini çəkib və trasa sonuncu qayıdıb. TM-in arxasında peleton toplaşdığı üçün Fettel hücuma keçib və bir-birinin ardınca Buemini, Massanı, Algersuarini və Petrovu keçərək ilk onluğa daxil olub. Qırxıncı dövrədə Massa, bir dövrə sonra isə Petrov pit-stop keçiriblər. 46-cı dövrədə isə Algersuari trasdan çıxaraq mübarizəni dayandırıb.

Fettel Hülkenberqi, Şumaheri keçərək Sutillə uzunmüddətli mübarizəyə girişib. Finişə iki dövrə qalmış Alonso boksa baş çəkib, sonuncu dövrədə isə Fettel Sutili də keçib və yeddinciliyə yüksəlib. Alonso son dövrədə yeni təkərlərlə sürətli dövrəyə imza atıb.

Mark Uebber yarışda inamlı qələbə qazanıb, bu Markın karyerasında beşinci, mövsümdə isə üçüncü qələbəsidir. Lyuis Həmilton ikinci, Niko Rosberq isə üçüncü yeri tutub...

Yer	Pilot	Komanda	Motor	Vaxt
01	M.Uebber	Red Bull	Renault	1:24:38.200
02	L.Həmilton	McLaren	Mercede	+ 0:01.360
03	N.Rosberq	Mercedes GP	Mercedes	+ 0:21.307
04	C.Batton	McLaren	Mercedes	+ 0:21.986
05	R.Barrikello	Williams	Cosworth	+ 0:31.456
06	K.Kobayaşi	BMW Sauber	Ferrari	+ 0:32.171
07	S.Fettel	Red Bull	Renault	+ 0:36.734
08	A.Sutil	Force İndia	Mercedes	+ 0:40.932
09	M.Şumaher	Mercedes GP	Mercedes	+ 0:41.599
10	N.Hülkenberq	Williams	Coswort	+ 0:42.012
11	V.Liutsi	Force İndia	Mercedes	+ 0:42.459
12	S.Buemi	Toro Rosso	Ferrari	+ 0:47.627
13	V.Petrov	Renault	Renault	+ 0:59.374
14	F.Alonso	Ferrari	Ferrari	+ 1:02.385
15	F.Massa	Ferrari	Ferrari	+ 1:07.489
16	Y.Trulli	Lotus	Cosworth	+ 1 dövrə
17	H.Kovalaynen	Lotus	Coswort	+ 1 dövrə
18	T.Qlok	Virgin	Cosworth	+ 1 dövrə
19	K.Çandhok	Hispania	Cosworth	+ 2 dövrə
20	B.Senna	Hispania	Cosworth	+ 2 dövrə
-	X.Algersuari	Toro Rosso	Ferrari	-
-	P.de la Rosa	BMW Sauber	Ferrari	-
-	R.Kubitsa	Renault	Renaul	-
-	L.di Qrassi	Virgin	Cosworth	-

Sürətli dövrə: Fernando Alonso (Ferrari) - 1:30.874 (52-ci dövrə).

Turnir cədvəli:

Yer	Pilot	Komanda	Motor	Xal
01	L.Həmilton	McLaren	Mercede	145
02	C.Batton	McLaren	Mercedes	133
03	M.Uebber	Red Bull	Renault	128
04	S.Fettel	Red Bull	Renault	121
05	F.Alonso	Ferrari	Ferrari	98
06	N.Rosberq	Mercedes GP	Mercedes	90
07	R.Kubitsa	Renault	Renaul	83
08	F.Massa	Ferrari	Ferrari	67
09	M.Şumaher	Mercedes GP	Mercedes	36
10	A.Sutil	Force İndia	Mercedes	35
11	R.Barrikello	Williams	Cosworth	29
13	K.Kobayaşi	BMW Sauber	Ferrari	15
14	V.Liutsi	Force İndia	Mercedes	12
15	S.Buemi	Toro Rosso	Ferrari	7
15	V.Petrov	Renault	Renault	6
16	X.Algersuari	Toro Rosso	Ferrari	3
17	N.Hülkenberq	Williams	Coswort	2
18	P.de la Rosa	BMW Sauber	Ferrari	0
19	H.Kovalaynen	Lotus	Coswort	0
20	K.Çandhok	Hispania	Cosworth	0
21	L.di Qrassi	Virgin	Cosworth	0
22	Y.Trulli	Lotus	Cosworth	0
23	B.Senna	Hispania	Cosworth	0
24	T.Qlok	Virgin	Cosworth	0
25	S.Yamamoto	Hispania	Cosworth	0

Yer	Komanda	Motor	Xal
01	McLaren	Mercedes	278
02	Red Bull	Renault	249
03	Ferrari	Ferrari	165
04	Mercedes GP	Mercedes	126
05	Renault	Renault	89
06	Force İndia	Mercedes	47
07	Williams	Cosworth	31
08	Sauber	Ferrari	15
09	Toro Rosso	Ferrari	10
10	Lotus	Cosworth	0
11	Hispania	Cosworth	0
12	Virgin	Cosworth	0