Yarış

Quru. Günəşli. Havanın temperaturu +27° C, trasın temperaturu +47° C

Startda Fettel poulun üstünlüyünü saxlayıb, Həmilton və Alonso isə zəif start almış Uebberi qabaqlayıblar. Amma birinci dövrənin sonunda Uebber artıq doqquzuncu olub. Petrov da Mercedes GP və Force İndia sürücülərini irəli buraxmaqla 10-cu yerdən 15-ci yerə düşüb.

İkinci dövrədə yarno Trulli boksa baş çəkib, dördüncü dövrədə yenidən boksa müraciət edən italiyalı sürücü kiçik təmirdən sonra trasa qayıdıb.

Səkkizinci dövrədə Uebber və Rosberq yumşaq təkərləri bərk təkərlərə dəyişiblər. Amma iki dövrə sonra Mark 12-ci döngədə arxadan Kovalaynenin Lotus-una çırpılıb - RB6 havaya qalxıb, göydə fırlanıb, başı üstə yerə düşüb, asfaltda bir qədər sürüşdükdən sonra təkərləri üstə fırlanıb və yüksək sürətlə köhnə təkərlərdən qurulmuş qoruyucu baryerlərə çırpılıb. Avstraliyalı sürücü müstəqil maşını tərk edib və tibb maşınında hadisə yerini tərk edib, trasa isə Təhlükəsizlik Maşını çıxıb.

Bütün sürücülər pit-stopa axışıblar, yalnız Kobayaşi və Virgin sürücüləri trasda qalıblar. Bərk təkərlərlə start almış Mixael Şumaher yumşaq təkərlərdə bir dövrə vurduqdan sonra yenidən pitə tələsib və bərk təkərlərə keçib, amma trasa qayıdarkən işıqforun qırmızı siqnalında dayanmalı olub və nəticədə bütün peletonu irəli buraxıb.

On beşinci dövrədə restart elan olunub, Fettel sonuncu döngədə səhvə yol versə də, liderliyini qoruya bilib, arxa cərgələrə düşmüş Alonso Hülkenberqi keçib, üçüncü yerdə gedən Kobayaşinin arxasında isə böyük "qatar" əmələ gəlib.

Beş dövrədən sonra Fettel və Həmilton cütlüyü Kobayaşidən 10 saniyə aralanıblar, daha beş dövrədən sonra isə yarışın stüardları Lyuisə pit-leyndən keçməklə cərimə elan ediblər - britaniyalı sürücü Təhlükəsizlik Maşınını ötüb keçibmiş. Lyuis sürətini artırıb və iki dövrədən sonra cəriməsini ödədikdən sonra yenə də trasa Kamuinin qarşısında qayıdıb, amma artıq Fetteldən 15 saniyə geri düşüb.

Qırxıncı dövrədə liderlər yeni komandaların sürücülərinə arxadan çatıblar, öz aralarında mübarizə aparan Senna və Qlok kiçik təmas yaşayıblar və boksa yollanıblar.

44-cü dövrədə isə elan olunub ki, Batton, Barrikello, Hülkenberq, de la Rosa, Petrov, Sutil, Liutsi, Buemi və Kubitsanı TM-in arxasında sürət rejimini pozduqları üçün stüardlar tərəfindən yarışdan sonra araşdırma gözləyir.

51-ci dövrədə Hülkenberqin maşınında arxa sağ təkər dağılıb. İki dövrə sonra isə Kobayaşi ilk pit-stopuna yönəlib və üçüncü yerdən doqquzuncu yerə düşüb. Yaponiyalı sürücü təzə yumşaq təkərlərlə sondan əvvəlki dövrədə Alonsonu və yarışın sonuncu döngəsində Buemini qabaqlaya bilib.

Sebastyan Fettel isə yarışı qələbə ilə başa vurub, bu onun mövsümdə ikinci, karyerasında isə yeddinci qələbəsidir. Podiumun iki aşağı pilləsini McLaren sürücüləri tutublar, amma nəticələr hələ stüardların iclasından sonra təsdiq olunacaq.

Yer	Pilot	Komanda	Motor	Vaxt
01	S.Fettel	Red Bull	Renault	1:40:29.571
02	L.Həmilton	McLaren	Mercede	+ 0:05.042
03	C.Batton*	McLaren	Mercedes	+ 0:12.658
04	R.Barrikello*	Williams	Cosworth	+ 0:25.627
05	R.Kubitsa*	Renault	Renaul	+ 0:27.122
06	A.Sutil*	Force İndia	Mercedes	+ 0:30.168
07	K.Kobayaşi	BMW Sauber	Ferrari	+ 0:30.965
08	F.Alonso	Ferrari	Ferrari	+ 0:32.809
09	S.Buemi*	Toro Rosso	Ferrari	+ 0:36.299
10	N.Rosberq	Mercedes GP	Mercedes	+ 0:44.382
11	F.Massa	Ferrari	Ferrari	+ 0:46.621
12	P.de la Rosa*	BMW Sauber	Ferrari	+ 0:47.414
13	X.Algersuari	Toro Rosso	Ferrari	+ 0:48.239
14	V.Petrov*	Renault	Renault	+ 0:48.287
15	M.Şumaher	Mercedes GP	Mercedes	+ 0:48.826
16	V.Liutsi*	Force İndia	Mercedes	+ 0:50.890
17	L.di Qrassi	Virgin	Cosworth	+ 1 dövrə
18	K.Çandhok	Hispania	Cosworth	+ 2 dövrə
19	T.Qlok*	Virgin	Cosworth	+ 2 dövrə
20	B.Senna	Hispania	Cosworth	+ 2 dövrə
21	Y.Trulli	Lotus	Cosworth	+ 4 dövrə
-	H.Kovalaynen	Lotus	Coswort	-
-	N.Hülkenberq*	Williams	Coswort	-
-	M.Uebber	Red Bull	Renault	-

Sürətli dövrə: Censon Batton (McLaren) - 1:38.766 (54-cü dövrə).

Qeyd: Finişdən sonra Censon Batton, Rubens Barrikello, Robert Kubitsa, Adrian Sutil, Sebastyen Buemi, Pedro de la Rosa, Vitaliy Petrov, Vitantonio Liutsi və Niko Hülkenberq yekun nəticələrinin üzərinə 5 saniyə əlavə edilməklə cərimə olunublar - bu sürücülər Təhlükəsizlik Maşını trasda olarkən sürət limitini aşıblar.
Timo Qlok isə mavi bayraqlara məhəl qoymadığı üçün yekun nəticəsinin üzərinə 20 saniyə əlavə olunmaqla cərimə olunub.

Turnir cədvəli:

Yer	Pilot	Komanda	Motor	Xal
01	L.Həmilton	McLaren	Mercede	127
02	C.Batton	McLaren	Mercedes	121
03	S.Fettel	Red Bull	Renault	115
04	M.Uebber	Red Bull	Renault	103
05	F.Alonso	Ferrari	Ferrari	98
06	R.Kubitsa	Renault	Renaul	83
07	N.Rosberq	Mercedes GP	Mercedes	75
08	F.Massa	Ferrari	Ferrari	67
09	M.Şumaher	Mercedes GP	Mercedes	34
10	A.Sutil	Force İndia	Mercedes	31
11	R.Barrikello	Williams	Cosworth	19
12	V.Liutsi	Force İndia	Mercedes	12
13	K.Kobayaşi	BMW Sauber	Ferrari	7
14	S.Buemi	Toro Rosso	Ferrari	7
15	V.Petrov	Renault	Renault	6
16	X.Algersuari	Toro Rosso	Ferrari	3
17	N.Hülkenberq	Williams	Coswort	1
18	P.de la Rosa	BMW Sauber	Ferrari	0
19	H.Kovalaynen	Lotus	Coswort	0
20	K.Çandhok	Hispania	Cosworth	0
21	L.di Qrassi	Virgin	Cosworth	0
22	Y.Trulli	Lotus	Cosworth	0
23	B.Senna	Hispania	Cosworth	0
24	T.Qlok	Virgin	Cosworth	0

Yer	Komanda	Motor	Xal
01	McLaren	Mercedes	248
02	Red Bull	Renault	218
03	Ferrari	Ferrari	165
04	Mercedes GP	Mercedes	109
05	Renault	Renault	89
06	Force İndia	Mercedes	43
07	Williams	Cosworth	20
08	Toro Rosso	Ferrari	10
09	Sauber	Ferrari	7
10	Lotus	Cosworth	0
11	Hispania	Cosworth	0
12	Virgin	Cosworth	0