Yarış

Quru. Günəşli. Havanın temperaturu +21° C, trasın temperaturu +37° C

Monako uik-endi zamanı keçirilmiş bütün dəstək yarışlarında qələbəni pouldan start almış sürücülər qazanıb - Monakoda sıralanma turu və effektiv startdan çox şey asılıdır.

Formula1 yarışının da startında Uebber öz mövqeyini qoruya bilib, onun komanda yoldaşı Sebastyan Fettel isə Robert Kubitsanı qabaqlayıb, Rubens Barrikello isə Batton, Şumaher və Rosberqi keçərək altıncı yerə yüksəlib. Birinci dövrədə tunelin çıxışında Niko Hülkenberq qəzaya uğrayıb və trasa Təhlükəsizlik Maşını (TM) çıxıb. Fürsətdən istifadə edən pit-leydən start almış Fernando Alonso tez boksa yönəlib və təkər dəyişimi edib. Bir dövrə sonra eyni addımı Bruno Senna təkrarlayıb. TM-in arxasında Censon Battonun maşınında motor qızıb və işləməkdən imtina edib - mexaniklər radiatorun qapağını açmağı unudublar.

Altıncı dövrədə TM trası tərk edib, restart zamanı heç kim mövqe qazanmayıb. Yalnız Alonso peletonun quyruğunda yeni komandaların sürücülərinə hücuma başlayıb. On altıncı dövrədə ikiqat dünya çempionu yeni komandaların bütün sürücülərini arxada buraxıb, iki dövrə sonra Lyuis Həmilton pit-stop keçirib və düz Alonsonun qarşısında trasa qayıdıb. İspaniyalı sürücü bütün yarışı Medium təkərlərlə keçirməyi qərara alıb, amma təkərlər buna dözəcəkmi?

İyirminci dövrədə Massa, Barrikello, Şumaher və Liutsi pit-stopa tələsiblər, Mixael keçmiş komanda yoldaşı Rubensi burada keçib. Daha iki dövrə sonra Kubitsa və Petrov Renault komandasının boksuna baş çəkiblər. Növbəti dövrədə isə Fettel və Sutil, daha sonra Uebber təkər dəyişimi ediblər. Pedro de la Rosa hidravlik problemlər üzündən maşını boksda, Timo Qlok isə asılqan problemləri üzündən trasda saxlayıb.

28-ci dövrədə Lukas di Qrassi və Kamui Kobayaşi yarışı dayandırıblar, ikinci yerdən pit-stopa gedən Rosberq trasa Alonso və Şumaherin arxasında qayıdıb. Üç dövrə sonra Barrikello Massenet döngəsinin çıxışında qəzaya uğrayıb, Vitaliy Petrovun maşınında sağ arxa təkər deşilib - rusiyalı sürücü pitə getməli olub, trasa TM çıxdığı üçün Vitaliy ilk onluqdan 1 dövrə geri qalıb. Restartda sürücülərin mövqeyi dəyişməyib.

43-cü dövrədə TM yenidən trasa çıxıb, amma bu dəfə qəza baş verməyib, sadəcə üçüncü döngədə drenaj sisteminin qapağı açılıb. Bir dövrədən sonra yarış davam etdirilib.

61-ci dövrədə Kovalaynen və Senna boksda dayanıblar, 74-cü dövrədə isə Çandhok və Trulli Rascasse döngəsində toqquşublar – TM dördüncü dəfə trasa çıxıb. Vitaliy Petrov boksa girib və yarışı dayandırıb.

TM finişdən qabaq sonuncu döngədə trası tərk edib və yarışın son metrlərində Şumaher Alonsonu qabaqlayıb - təkərləri yeyilmiş F10 sürətlənmədə kənara qaçıb. Yarışı isə Mark Uebber inamla qələbə ilə başa vurub. Bu avstraliyalı sürücünün ikinci ardıcıl və karyerasında dördüncü qələbəsidir, Red Bull komandası mövsümdə ikinci dubluna imza atıb - Sebastyan Fettel finişdə ikinci olub, Robert Kubitsa isə mövsümdə ikinci podiumunu qazanıb.

Çempionatda vəziyyət lap gərginləşib, ilk dörd sürücünü səkkiz xal ayırır - hər iki çempionata Red Bull başçılıq edir, Mark yalnız qələbələrin sayına görə Sebastyanı üstələyir...

Yer	Pilot	Komanda	Motor	Vaxt
01	M.Uebber	Red Bull	Renault	1:50:13.355
02	S.Fettel	Red Bull	Renault	+ 0:00.448
03	R.Kubitsa	Renault	Renaul	+ 0:01.675
04	F.Massa	Ferrari	Ferrari	+ 0:02.666
05	L.Həmilton	McLaren	Mercede	+ 0:04.363
06	F.Alonso	Ferrari	Ferrari	+ 0:06.341
07	N.Rosberq	Mercedes GP	Mercedes	+ 0:06.651
08	A.Sutil	Force İndia	Mercedes	+ 0:06.970
09	V.Liutsi	Force İndia	Mercedes	+ 0:07.305
10	S.Buemi	Toro Rosso	Ferrari	+ 0:08.199
11	X.Algersuari	Toro Rosso	Ferrari	+ 0:09.135
12	M.Şumaher	Mercedes GP	Mercedes	+ 0:25.712
13	V.Petrov	Renault	Renault	+ 5 dövrə
14	K.Çandhok	Hispania	Cosworth	+ 8 dövrə
15	Y.Trulli	Lotus	Cosworth	+ 8 dövrə
-	H.Kovalaynen	Lotus	Coswort	-
-	B.Senna	Hispania	Cosworth	-
-	R.Barrikello	Williams	Cosworth	-
-	K.Kobayaşi	BMW Sauber	Ferrari	-
-	L.di Qrassi	Virgin	Cosworth	-
-	T.Qlok	Virgin	Cosworth	-
-	P.de la Rosa	BMW Sauber	Ferrari	-
-	C.Batton	McLaren	Mercedes	-
-	N.Hülkenberq	Williams	Coswort	-

Sürətli dövrə: Sebastyan Fettel (Red Bull) - 1:15.192 (71-ci dövrə).
Qeyd: Mixael Şumaher son dövrədəki insidentə görə yekun nəticəsinin üzərinə 20 saniyə əlavə olunmaqla cərimə olunub.

Turnir cədvəli:

Yer	Pilot	Komanda	Motor	Xal
01	M.Uebber	Red Bull	Renault	78
02	S.Fettel	Red Bull	Renault	78
03	F.Alonso	Ferrari	Ferrari	75
04	C.Batton	McLaren	Mercedes	70
05	F.Massa	Ferrari	Ferrari	61
06	L.Həmilton	McLaren	Mercede	59
07	R.Kubitsa	Renault	Renaul	59
08	N.Rosberq	Mercedes GP	Mercedes	56
09	M.Şumaher	Mercedes GP	Mercedes	22
10	A.Sutil	Force İndia	Mercedes	20
11	V.Liutsi	Force İndia	Mercedes	10
12	R.Barrikello	Williams	Cosworth	7
13	V.Petrov	Renault	Renault	6
14	X.Algersuari	Toro Rosso	Ferrari	3
15	N.Hülkenberq	Williams	Coswort	1
16	S.Buemi	Toro Rosso	Ferrari	1
17	H.Kovalaynen	Lotus	Coswort	0
18	Y.Trulli	Lotus	Cosworth	0
19	K.Çandhok	Hispania	Cosworth	0
20	B.Senna	Hispania	Cosworth	0
21	K.Kobayaşi	BMW Sauber	Ferrari	0
22	T.Qlok	Virgin	Cosworth	0
23	L.di Qrassi	Virgin	Cosworth	0
24	P.de la Rosa	BMW Sauber	Ferrari	0

Yer	Komanda	Motor	Xal
01	Red Bull	Renault	156
02	Ferrari	Ferrari	136
03	McLaren	Mercedes	129
04	Mercedes GP	Mercedes	78
05	Renault	Renault	65
06	Force İndia	Mercedes	30
07	Williams	Cosworth	8
08	Toro Rosso	Ferrari	4
09	Hispania	Cosworth	0
10	Lotus	Cosworth	0
11	Sauber	Ferrari	0
12	Virgin	Cosworth	0