Yarış

Yağış. Buludlu. Havanın temperaturu +18° C, trasın temperaturu +16° C

Hava proqnozu yarış günü böyük ehtimalla yağışın yağmasını söyləmişdi. Doğrudan da, yarışın startına bir neçə dəqiqə qalmış ilk damçılar trasa düşməyə başlayıb və bir neçə dəqiqədən sonra tam dayanıb. Sürücülər start düzlüyünə yumşaq təkərlərlə çıxıblar - yeni yağışın yağması aşkar idi, amma nə zaman başlayacaq və hansı təkərləri seçməli?

Startda Alonso falstart edib və birinci döngəyə lider kimi daxil olub, ondan başqa Uebber də Fetteli keçib. Əylənmədə Liutsi yerində fırlanıb və trasdan çıxarkən Kobayaşi və Buemiyə çırpılıb. Trasa Təhlükəsizlik Maşını (TM) çıxıb və bəzi sürücülər keçid təkərlər üçün pit-stopa yönəliblər. Yalnız Rosberq, Batton, Kubitsa, Petrov, de la Rosa və Kovalaynen yarışı sliklərlə davam etdiriblər.

TM trası tərk etdikdən sonra yarış bu ardıcıllıqla davam edib, amma təkərlərini dəyişmiş sürücülər başa düşüblər ki, tras quruduğundan sliklər ən ideal təkərlərdir və yenidən pit-stopa axışıblar.

Altıncı dövrədə falstarta görə cərimə alan Alonso pit-leyndən keçib, amma o da bir neçə dövrədən sonra təkər dəyişməyə yollanıb. Pitdən çıxarkən Həmilton və Fettel az qala toqquşublar - bu insidenti yarışdan sonra stüardlar araşdıracaqlar. Pedro de la Rosanın isə maşınında növbət Ferrari motoru imtina edib - iki yarış ardıcıl olaraq Sauber komandası tam heyətlə yarışın əvvəlində mübarizəni dayandırıb.

On dörd dövrədən sonra pit-stop etməyən Rosberq, Batton və Renault sürücüləri böyük fərqlə peletona başçılıq ediblər. 17-ci dövrədə Lyuis Şumaheri keçib, 19-cu dövrədə isə Rosberqin səhvindən faydalanan Batton liderliyə yüksəlib. Bunun ardınca yenidən yağış başlayıb, sürücülər bir daha pitə tələsiblər və Batton pitdən sonra ldierliyini qoruyub saxlayıb.

İyirminci dövrədə pitdən yenicə çıxmış Algersuarinin maşınında ön antiqanad qopub və asfalt qırıntılarla dolub, TM yenidən trasa çıxıb. Restartdan əvvəl Həmilton Uebberi trasdan sıxışdırıb çıxardıb. Censon liderliyini bir daha qoruyub, amma yağış güclənməyə başlayıb. Lyuis bir-birinin ardınca Şumaheri, Petrovu və Kubitsanı keçib, Alonso və Fettel isə Sutili keçiblər.

Otuzuncu dövrədə yarışa Batton, Rosberq və Həmilton üçlüyü başçılıq edib. Altı dövrədən sonra Mark Uebber təkərlərini dəyişmək üçün növbəti dəfə pitə gedib, digər sürücülər də sonrakı dövrələrdə eyni addımı atıblar - hamı keçid təkərləri seçib. Bu pit-stop dalğasından sonra da Batton liderliyini saxlaya bilib, Həmilton isə Rosberqi, Alonso isə Kubitsanı qabaqlayıb. Petrov əvvəlcə Algersuarini, dörd dövrə sonra Şumaheri, iki dövrə sonra isə Uebberi qabaqlayaraq yeddinci yerə yüksəlib. Son dövrədə isə Massa keçmiş komanda yoldaşı Şumaheri qabaqlayıb.

Censon Batton inamla yarışı qələbəyə qədər davam etdirib və mövsümdə ikinci, karyerasında isə doqquzuncu qələbəsini qazanıb. Lyuis daha bir gözəl yarış keçirərək finişdə ikinci olub - McLaren də mövsümdə ilk qələbə dublunu yaşayıb. Düzdür, Həmiltonun hərəkətlərini stüardlar yarışdan sonra araşdıracaqlar. Niko Rosberq isə Mercedes GP komandası üçün ardıcıl ikinci podiumu qazanıb.

Censon və McLaren bu qələbədən sonra hər iki çempionatda liderliyi ələ alıblar. Növbəti yarış üçhəftəlik fasilədən sonra İspaniyada keçiriləcək...

Yer	Pilot	Komanda	Motor	Vaxt
01	C.Batton	McLaren	Mercedes	1:46:42.163
02	L.Həmilton	McLaren	Mercede	+ 0:01.530
03	N.Rosberq	Mercedes GP	Mercedes	+ 0:09.484
04	F.Alonso	Ferrari	Ferrari	+ 0:11.869
05	R.Kubitsa	Renault	Renaul	+ 0:22.213
06	S.Fettel	Red Bull	Renault	+ 0:33.310
07	V.Petrov	Renault	Renault	+ 0:47.600
08	M.Uebber	Red Bull	Renault	+ 0:52.172
09	F.Massa	Ferrari	Ferrari	+ 0:57.796
10	M.Şumaher	Mercedes GP	Mercedes	+ 1:01.749
11	A.Sutil	Force İndia	Mercedes	+ 1:02.874
12	R.Barrikello	Williams	Cosworth	+ 1:03.665
13	X.Algersuari	Toro Rosso	Ferrari	+ 1:11.416
14	H.Kovalaynen	Lotus	Coswort	+ 1 dövrə
15	N.Hülkenberq	Williams	Coswort	+ 1 dövrə
16	B.Senna	Hispania	Cosworth	+ 2 dövrə
17	K.Çandhok	Hispania	Cosworth	+ 4 dövrə
-	Y.Trulli	Lotus	Cosworth	-
-	L.di Qrassi	Virgin	Cosworth	-
-	P.de la Rosa	BMW Sauber	Ferrari	-
-	S.Buemi	Toro Rosso	Ferrari	-
-	K.Kobayaşi	BMW Sauber	Ferrari	-
-	V.Liutsi	Force İndia	Mercedes	-
-	T.Qlok	Virgin	Cosworth	-

Sürətli dövrə: Lyuis Həmilton (McLaren) - 1:42.061 (13-cü dövrə).

Turnir cədvəli:

Yer	Pilot	Komanda	Motor	Xal
01	C.Batton	McLaren	Mercedes	60
02	N.Rosberq	Mercedes GP	Mercedes	50
03	F.Alonso	Ferrari	Ferrari	49
04	L.Həmilton	McLaren	Mercede	49
05	S.Fettel	Red Bull	Renault	45
06	F.Massa	Ferrari	Ferrari	41
07	R.Kubitsa	Renault	Renaul	40
08	M.Uebber	Red Bull	Renault	28
09	A.Sutil	Force İndia	Mercedes	10
10	M.Şumaher	Mercedes GP	Mercedes	10
11	V.Liutsi	Force İndia	Mercedes	8
12	V.Petrov	Renault	Renault	6
13	R.Barrikello	Williams	Cosworth	5
14	X.Algersuari	Toro Rosso	Ferrari	2
15	N.Hülkenberq	Williams	Coswort	1
16	H.Kovalaynen	Lotus	Coswort	0
17	S.Buemi	Toro Rosso	Ferrari	0
18	Y.Trulli	Lotus	Cosworth	0
19	K.Çandhok	Hispania	Cosworth	0
20	B.Senna	Hispania	Cosworth	0
21	P.de la Rosa	BMW Sauber	Ferrari	0
22	T.Qlok	Virgin	Cosworth	0
23	K.Kobayaşi	BMW Sauber	Ferrari	0
24	L.di Qrassi	Virgin	Cosworth	0

Yer	Komanda	Motor	Xal
01	McLaren	Mercedes	109
02	Ferrari	Ferrari	90
03	Red Bull	Renault	73
04	Mercedes GP	Mercedes	60
05	Renault	Renault	46
06	Force İndia	Mercedes	18
07	Williams	Cosworth	6
08	Toro Rosso	Ferrari	2
09	Hispania	Cosworth	0
10	Lotus	Cosworth	0
11	Sauber	Ferrari	0
12	Virgin	Cosworth	0