Xeres, 17 mart

Censon Batton Xeres testlərinin üçüncü günü protokollara başçılıq edib. Beləliklə, birgünlük fasilədən sonra testlərin ilk sətri yenidən Ross Braunun komandasına qayıdıb, həm də britaniyalı sürücü tras üçün yeni rekorda imza atıb. Niko Rosberq Censondan cəmi 0.2 saniyə yavaş olub.

Nelsinyo Pike isə Renault-nun sükanı arxasında Fernando Alonsonu əvəz edib və günü üçüncü yerdə başa vurub. Səhər komanda aerodinamika ilə işləyib, nahardan sonra isə sürücü standart prosedurlar üzərində işləyib. Renault və Brawn GP komandaları qış testlərinə son qoyublar.

Lyuis Həmilton isə növbəti dəfə protokolun son sətrini tutub, britaniyalı sürücü 500 km-dən çox məsafə qət edib və yeni aerodinamik elementlərin effektliyinin qiymətləndirilməsi ilə məşğul olub. Sabah Lyuisi sükan arxasında Heykki Kovalaynen əvəz edəcək.

Sabah McLaren və Williams testləri davam etdirəcəklər, cümə axşamı isə McLaren trasda avtodromun bağlı qapıları arxasında işləyəcək...

Nəticələr belə olub:

Pilot	Komanda	Motor	Vaxt	Dövrə
1. C.Batton	Brawn GP	Mercedes	1:17.844	114
2. N.Rosberq	Williams	Toyota	+ 0:00.227	66
3. N.Pike	Renault	Renault	+ 0:00.538	133
4. L.Həmilton	McLaren	Mercedes	+ 0:01.277	121