Yarış

Buludlu. Yarışdan əvvəl yağış. Əvvəl qurumaqda olan tras, sonra quru. Havanın temperaturu +26° C, trasın temperaturu +24° C

Melburnda yarışın startına 20 dəqiqə qalmış yağış başlayıb, sürücülər trasa sliklərlə çıxsalar da, start düzlüyündə mexaniklər maşınlara keçid təkərlərini taxıblar. Virgin komandasının hər iki sürücüsü pit-leyndən start alıb, Yarno Trulli isə hidravlik problemlər üzündən starta çıxmayıb.

Sebastyan Fettel birinci döngəyə lider kimi daxil olub, Felipe Massa beşinci yerdən ikinci yerə yüksəlib, Həmilton, Kubitsa və Petrov bir neçə mövqe qazanıblar. Batton Alonsonun maşınını arxadan vurduğu üçün ispaniyalı sürücü Şumaheri trasdan çıxarıb və özü yerində fırlanıb. Yeddiqat dünya çempionu ön antiqanadını dəyişmək üüçn pit-stopa yönəlib. Kobayaşi də ön antiqanadını itirib, baryerə çırpılıb, sonra isə Hülkenberq və Buemiyə çırpılaraq onları da yarışdan kənar qoyub. Trasa Təhlükəsizlik Maşını çıxıb.

Restartda Alonso Qloku 17-ci yer uğrunda mübarizədə qabaqlayıb, Həmilton isə Battonu. Tras sürətlə quruduğu üçün artıq altıncı dövrədə Batton pit-stopa gedib və Soft təkərlərinə keçib. Censon ilk dövrədə trasdan çıxsa da, tezliklə onun göstərdiyi temp rəqiblərini də pitə müraciət etməyə məcbur edib. Batton ən erkən pitin sayəsində 12-ci dövrədən sonra Fettelin arxasına düşüb. Massa və Uebber cütlüyü isə Kubitsa və Rosberqi də irəli buraxıb.

On altıncı dövrədə Uebber və Həmilton Massanı keçiblər, bundan dərhal sonra Lyuis Marka da hücum edib, avstraliyalı sürücünü trasdan çıxarıb, Massa isə mövqeyini geri qaytarıb. Altı dövrə sonra Həmilton Massanı keçə bilib, bu zaman Alonsonun səhvindən istifadə edən Uebber Ferrari-ni qabaqlayıb. Daha dörd dövrədən sonra Həmilton Rosberqi keçə bilib, elə bu an liderlik edən Fettel əyləc problemləri üzündən trasdan çıxıb və yarışı dayandırıb. Yarışa Censon Batton başçılıq edib, onu Kubitsa və Həmilton cütlüyü izləyib.

Otuzuncu dövrədə Şumaher təzə təkər dəsti aldıqdan sonra ən sürətli dövrəyə imza atıb, onun ardınca Uebber, Rosberq və Həmilton da pitə baş çəkiblər. İlk dördlük isə yarışı davam etdirib. Həmilton və Uebber daha təzə təkərlərlə Ferrari sürücüləri ilə aralarındakı fərqi sürətlə azaltmağa başlayıblar. Batton isə Kubitsadan xeyli uzaqlaşdığı üçün özünü rahat hiss edib.

Finişə səkkiz dövrə qalmış Kubitsanın arxasında iki Ferrari sürücüsü, Həmilton, Uebber və Rosberqdən ibarət qatar əmələ gəlib. Amma təqibçilərin də təkərləri ciddi yeyilib. Finişə iki dövrə qalmış Lyuis Fernandonu keçmək istəyib, Fernando döngədə yolu bağlayıb, əyləci basan Lyuisə arxadan Mark çırpılıb. Nəticədə Rosberq dördüncü yerə yüksəlib. Həmilton yerində fırlanıb və trasa qayıdıb, Uebber isə yeni antiqanad üçün pitə yollanıb.

Censon Batton inamla yarışı qələbəyə qədər davam etdirib - britaniyalı dünya çempionu McLaren-in tərkibində ikinci yarışında ilk qələbəsini qazanıb. Robert Kubitsa Con Travoltanın yellədiyi dama-dama bayrağı ikinci görüb, Felipe Massa isə ardıcıl ikinci podiumunu qazanıb...

Əgər Bəhreyn yarışı hamıya darıxıdırıcı görünmüşdüsə, Avstraliya Qran Prisi çox maraqlı alınıb...

Yer	Pilot	Komanda	Motor	Vaxt
01	C.Batton	McLaren	Mercedes	1:33:36.531
02	R.Kubitsa	Renault	Renaul	+ 0:12.034
03	F.Massa	Ferrari	Ferrari	+ 0:14.488
04	F.Alonso	Ferrari	Ferrari	+ 0:16.304
05	N.Rosberq	Mercedes GP	Mercedes	+ 0:16.683
06	L.Həmilton	McLaren	Mercede	+ 0:29.898
07	V.Liutsi	Force İndia	Mercedes	+ 0:59.847
08	R.Barrikello	Williams	Cosworth	+ 1:00.536
09	M.Uebber	Red Bull	Renault	+ 1:07.319
10	M.Şumaher	Mercedes GP	Mercedes	+ 1:09.391
11	X.Algersuari	Toro Rosso	Ferrari	+ 1:11.301
12	P.de la Rosa	BMW Sauber	Ferrari	+ 1:14.084
13	H.Kovalaynen	Lotus	Coswort	+ 2 dövrə
14	K.Çandhok	Hispania	Cosworth	+ 5 dövrə
-	T.Qlok	Virgin	Cosworth	-
-	L.di Qrassi	Virgin	Cosworth	-
-	S.Fettel	Red Bull	Renault	-
-	A.Sutil	Force İndia	Mercedes	-
-	V.Petrov	Renault	Renault	-
-	B.Senna	Hispania	Cosworth	-
-	S.Buemi	Toro Rosso	Ferrari	-
-	N.Hülkenberq	Williams	Coswort	-
-	K.Kobayaşi	BMW Sauber	Ferrari	-
-	Y.Trulli	Lotus	Cosworth	-

Sürətli dövrə: Mark Uebber (Red Bull) - 1:28.351 (47-ci dövrə).

Turnir cədvəli:

Yer	Pilot	Komanda	Motor	Xal
01	F.Alonso	Ferrari	Ferrari	37
02	F.Massa	Ferrari	Ferrari	33
03	C.Batton	McLaren	Mercedes	31
04	L.Həmilton	McLaren	Mercede	23
05	N.Rosberq	Mercedes GP	Mercedes	20
06	R.Kubitsa	Renault	Renaul	18
07	S.Fettel	Red Bull	Renault	12
08	M.Şumaher	Mercedes GP	Mercedes	9
09	V.Liutsi	Force İndia	Mercedes	8
10	M.Uebber	Red Bull	Renault	6
11	R.Barrikello	Williams	Cosworth	5
12	A.Sutil	Force İndia	Mercedes	0
13	X.Algersuari	Toro Rosso	Ferrari	0
14	N.Hülkenberq	Williams	Coswort	0
15	H.Kovalaynen	Lotus	Coswort	0
16	S.Buemi	Toro Rosso	Ferrari	0
17	Y.Trulli	Lotus	Cosworth	0
18	P.de la Rosa	BMW Sauber	Ferrari	0
19	B.Senna	Hispania	Cosworth	0
20	T.Qlok	Virgin	Cosworth	0
21	V.Petrov	Renault	Renault	0
22	K.Kobayaşi	BMW Sauber	Ferrari	0
23	L.di Qrassi	Virgin	Cosworth	0
24	K.Çandhok	Hispania	Cosworth	0

Yer	Komanda	Motor	Xal
01	Ferrari	Ferrari	70
02	McLaren	Mercedes	54
03	Mercedes GP	Mercedes	29
04	Renault	Renault	18
05	Red Bull	Renault	18
06	Force İndia	Mercedes	8
07	Williams	Cosworth	5
08	Toro Rosso	Ferrari	0
09	Sauber	Ferrari	0
10	Lotus	Cosworth	0
11	Hispania	Cosworth	0
12	Virgin	Cosworth	0