Sıralanma turu

Quru. Günəşli. Havanın temperaturu +34° C, trasın temperaturu +36° C

Mövsümün ilk sıralanma turu maşınların real sürəti haqqında suallara cavab verməli idi - dünya çempionatının iştirakçıları ilk dəfə olaraq trasa az yanacaqla bərabər şəraitdə və eyni zamanda çıxıblar. Düzdür, bu il maşının sürəti elə də böyük rol oynamır, hər şeydən əvvəl təkərin yüklənməsi və maşının müxtəlif yanacaq miqdarında stabil balansıdır, amma məhz sürətə görə maşınlar start xəttində düzüləcəklər.

Sıralanma turunun ilk sessiyasında protokollara Fernando Alonso başçılıq edib, mübarizəni isə üç yeni komandanın sürücüləri ilə birlikdə Xayme Algersuari dayandırıb. İkinci sessiyada isə Saxir trasının yeni konfiqurasiyasının rekord göstəricisi ilə (1:53.883) Sebastyan Fettel birinci olub, mübarizəni isə Williams və Sauber-in sürücüləri ilə birlikdə Vitantonio Liutsi, Sebastyen Buemi və Vitaliy Petrov dayandırıblar.

Sıralanma turunun son sessiyasında Red Bull, Ferrari, McLaren və Mercedes GP komandalarının sürücüləri ilə birlikdə Adrian Sutil və Robert Kubitsa mübarizə aparıblar - bu onluq sabah start xəttinə ən yaxşı nəticəni göstrərkən istifadə etdikləri təkərlərlə çıxacaqlar, Adiran və Robertdən başqa digər sürücülər son cəhdlərində SuperSoft tərkibindən istifadə ediblər.

Mövsümün ilk poulunu isə Sebastyan Fettel qazanıb, sabah onun yanında və arxasında Ferrari sürücüləri start alacaqlar - Felipe Massa Fernando Alonsonu qabaqlaya bilib. Lyuis Həmilton McLaren-də Censon Battonu, Niko Rosberq isə Mercedes GP-də Mixael Şumaheri qabaqlayıb. Bu poul Fettelin karyerasında altıncıdır, bundan əvvəlki beş poulun dördünü o qələbəyə çevirə bilib, amma sabahkı yarışın nəticələri bir çox faktorlardan asılıdır...

Yer	Pilot	Komanda	Motor	I sessiya		II sessiya		III sessiya
				Yer	Vaxt	Yer	Vaxt	Vaxt	Fərq
01	S.Fettel	Red Bull	Renault	02	1:55.029	01	1:53.883	1:54.101	-
02	F.Massa	Ferrari	Ferrari	05	1:55.313	04	1:54.331	1:54.242	+ 0.141
03	F.Alonso	Ferrari	Ferrari	01	1:54.612	02	1:54.172	1:54.608	+ 0.507
04	L.Həmilton	McLaren	Mercedes	06	1:55.341	06	1:54.707	1:55.217	+ 1.116
05	N.Rosberq	Mercedes GP	Mercedes	07	1:55.463	05	1:54.682	1:55.241	+ 1.140
06	M.Uebber	Red Bull	Renault	04	1:55.298	03	1:54.318	1:55.284	+ 1.183
07	M.Şumaher	Mercedes GP	Mercedes	09	1:55.593	09	1:55.105	1:55.524	+ 1.423
08	C.Batton	McLaren	Mercedes	11	1:55.715	10	1:55.168	1:55.672	+ 1.571
09	R.Kubitsa	Renault	Renault	08	1:55.511	07	1:54.963	1:55.885	+ 1.784
10	A.Sutil	Force İndia	Mercedes	03	1:55.213	08	1:54.996	1:56.309	+ 2.208
11	R.Barrikello	Williams	Cosworth	12	1:55.969	11	1:55.330	-	-
12	V.Liutsi	Force İndia	Mercedes	10	1:55.628	12	1:55.653	-	-
13	N.Hülkenberq	Williams	Cosworth	15	1:56.375	13	1:55.857	-	-
14	P.de la Rosa	BMW Sauber	Ferrari	16	1:56.428	14	1:56.237	-	-
15	S.Buemi	Toro Rosso	Ferrari	14	1:56.189	15	1:56.265	-	-
16	K.Kobayaşi	BMW Sauber	Ferrari	17	1:56.541	16	1:56.270	-	-
17	V.Petrov	Renault	Renault	13	1:56.167	17	1:56.619	-	-
18	X.Algersuari	Toro Rosso	Ferrari	18	1:57.071	-	-	-	-
19	T.Qlok	Virgin	Cosworth	19	1:59.728	-	-	-	-
20	Y.Trulli	Lotus	Cosworth	20	1:59.852	-	-	-	-
21	H.Kovalaynen	Lotus	Cosworth	21	2:00.313	-	-	-	-
22	L.di Qrassi	Virgin	Cosworth	22	2:00.587	-	-	-	-
23	B.Senna	Hispania	Cosworth	23	2:03.240	-	-	-	-
24	K.Çandhok	Hispania	Cosworth	24	2:04.904	-	-	-	-