R.Braun: "Hələlik biz rəqiblərimizə uduzuruq"

Valensiyada keçirilmiş üçgünlük testlərin yekunlarına görə, yeni maşınların rəqabətədavamlılığı barədə danışmaq çətindir, amma komandalar və sürücülər yeni maşınlar barədə fikir söyləyə bilərlər...

Ross Braun: "Hələlik biz Ferrari sürücüləri və Lyuis Həmilton kimi sürətli deyilik. Deyəsən, qarşıda bizi çox iş gözləyir. Baklara çoxlu yanacaq dolduranda maşını özünü yaxşı aparır, amma təmiz sürətdə biz rəqiblərimizə uduzuruq.

Xeresdəki növbəti testlərə qədər maşının idarəolunması və balansı üzərində ciddi işləməliyik, problem yeni təkərlərdədir. Bundan başqa, 150-200 km məsafə qət etdikdən sonra qazburaxan sistem sıradan çıxır, amma bunu tezliklə aradan qaldıracayıq."