Xeres, 4 mart

Bu gün Xeresdə yağış bir neçə dəfə sürücüləri narahat edib, amma əsas problem güclü külək olub. Protokollara Fernando Alonso başçılıq edib, ispan sürücü 129 dövrə vurub və Kimi Rəykköneni 0.3 saniyə qabaqlaya bilib. Finlandiyalı sürücü səhər uzun dövrələr seriyası edib, nahardan sonra isə maşının etibarlılığını yoxlaylıb. Nik Haydfeld isə üçüncü olub. Alman sürücü yeni maşının mexaniki sazlanmaları ilə məşğul olub.

Yarno Trulli günü dördüncü yerdə başa vurub, italiyalı sürücü 131 dövrə qət edib. Mark Uebber isə beşinci, Kazuki Nakacima isə altıncı yeri tutublar. Testlərə bu gün qatılan dünya çempionu Lyuis Həmilton yalnız yeddinci yerlə kifayətlənib. Sonuncu yeri isə Adrian Sutil tutub.

Axşam Force İndia və Renault komandaları avadanlıqlarını yığışdırıb bazalarına qayıdıblar, qalan altı komanda sabah testləri davam etdirəcək...

Nəticələr belə olub:

Pilot	Komanda	Motor	Vaxt	Dövrə
1. F.Alonso	Renault	Renault	1:19.945	129
2. K.Rəykkönen	Ferrari	Ferrari	+ 0:00.305	104
3. N.Haydfeld	BMW Sauber	BMW	+ 0:00.575	98
4. Y.Trulli	Toyota	Toyota	+ 0:00.595	131
5. M.Uebber	Red Bull	Renault	+ 0:00.949	107
6. K.Nakacima	Williams	Toyota	+ 0:01.003	83
7. L.Həmilton	McLaren	Mercedes	+ 0:01.357	70
8. A.Sutil	Force İndia	Mercedes	+ 0:01.466	79