FİA prezidenti Maks Mosli əmin edib ki, FOTA ilə danışıqlara hazırdır, ona görə də FİA-nın komandalara qarşı qaldırdığı iddiaları geri götürə bilər. Formal olaraq keçən cümə federasiyanın Ferrari, McLaren, Renault, BMW Sauber, Toyota, Brawn GP, Red Bull Racing və Toro Rosso komandalarına qarşı qaldırdığı iddilara baxış bu gündən başlamalıdır.
Amma dünən Mosli Silverstouna Berni Ekklstoun və Flavio Briatore ilə Renault F1 komandasının başçısının helikopterində gəlib və komanda nümayəndələri ilə bir neçə saatlıq görüşlər keçirib. İddialar barədə sualına FİA prezidenti belə cavab verib: “Məncə bizim məhkəmədə görüşməyimizdən danışıqlar stolu arxasında oturmağımız daha yaxşıdır.”
