23 Oktyabr 2017, Bazar ertəsi - 15:22

Mercedes hibrid mühərriklər üzərində işləməyə 2007-ci ildən başlayıbmış?

Mercedes hibrid mühərriklər üzərində işləməyə 2007-ci ildən başlayıbmış?

Müəllif: Rauf Hacıyev, redaktor

14:10 - 01 Fevral, 2017

Ferrari-nin sabiq prezidenti Luka di Montedzemolo bildirib ki, Mercedes motorçuları indiki V6 mühərriklər üzərində 2007-ci ildən işləməyə başlayıblarmış.

F-1.az xatırladır ki, Formula1-də 2014-cü ildə V8 atmosfer mühərriklərdən V6 turbo hibrid mühərriklərə keçiblər. Mercedes komandası bu dəyişiklikdən sonra idmanda hegemonluq etməyə başlamış və 59 yarışdan 51-i qazanıb. “Gümüşü oxlar” 3 mövsümdə həm mühəndislər, həm də sürücülər çempionatının qalibi olublar.

Ferrari-nin 2014-cü ildəki uğursuz çıxışından sonra prezident postunu tərk etmiş Montedzemolo bildirib ki, Mercedes turbo mühərriklər üzərində 2007-ci ildən işləməyə başlayıbmış: “Keçən dəfə Lauda ilə söhbət etdik. Mənə etiraf etdi ki, Mercedes hibrid mühərriklər üzərində 2007-ci ildən işləməyə başlayıb”.

Ross Braun Formula1-in idman direktoru olduqdan sonra gələcəkdə yenidən V8 və ya V10 mühərriklərə keçid gözlənilir. Amma Mercedes Motorsport-un rəhbəri Toto Volff V6 mühərriklərin qalmasını istəyir: “Məncə, hibrid mühərrikləri dəyişdirməkdənsə, onların performansını necə artıracağımıza baxmalıyıq. Formula1 dünyadakı ən sürətli laboratoriyadır və bundan imtina etməməliyik”.


Son Xəbərlər

İnformasiya

Bölüm Xəbərlər
Mənbə
Baxış Sayı 2. 007
Teqlər , , , , , ,
Paylaş

logo