Avstraliya Qran Prisi Melburnda 1996-cı ildən etibarən keçirilir, 13 dəfə bu yarış mövsümün ilk yarışı olub.
Ekspertlər hesab edirlər ki, müvəqqəti şəhər trası statusu daşıyan bu tras real qüvvələr nisbətini təsəvvür etməyə imkan vermir, həm də adətən mövsümün ilk yarışlarında komandalar etibarlılıq problemləri ilə üzləşirlər. Lakin buna baxmayaraq Melburnun “çempionluq əmsalı” kifayət qədər yüksəkdir.
İndiyə qədər keçirilmiş 15 yarışın qalibi 10 halda mövsümün sonunda çempionluğu bayram edib, qeyd edək ki, son beş ildə dörd dəfə belə olub…
Melburnda yarışın qalibləri (mötərizədə həmin ilin çempionları):
1996 – Dəymon Hill (Dəymon Hill)
1997 – Dəvid Kulthard (Jak Bİlnöv)
1998 – Mika Hakkinen (Mika Hakkinen)
1999 – Əddi İrvayn (Mika Hakkinen)
2000 – Mixael Şumaher (Mixael Şumaher)
2001 – Mixael Şumaher (Mixael Şumaher)
2002 – Mixael Şumaher (Mixael Şumaher)
2003 – Dəvid Kulthard (Mixael Şumaher)
2004 – Mixael Şumaher (Mixael Şumaher)
2005 – Cankarlo Fizikella (Fernando Alonso)
2006 – Fernando Alonso (Fernando Alonso)
2007 – Kimi Rəykkönen (Kimi Rəykkönen)
2008 – Lyuis Həmilton (Lyuis Həmilton)
2009 – Censon Batton (Censon Batton)
2010 – Censon Batton (Sebastyan Fettel)
