22 Noyabr 2017, Çərşənbə - 13:01

Meksika Qran Prisinin təşkilatçıları yarışın iyunda keçirilməsinin əleyhinədirlər

Meksika Qran Prisinin təşkilatçıları yarışın iyunda keçirilməsinin əleyhinədirlər

Müəllif: Elçin Zodorov, redaktor

10:20 - 04 Noyabr, 2017

F 1.az xatıradır ki, oktyabrın əvvəllərində ABŞ Qran Prisinin promouteri Bobb Epstayn Kanada və Meksikadakı yarışların iyunda ardıcıl keçirilməsini təklif etmişdi. Mesika Qran Prisinin təşkilatçısı Alexandro Soberon isə cavabında Ostindəki yarışın iyunda keçirilməsini məsləhət görüb…

Alexandro Soberon: “Bobbinin ABŞ Qran Prisi ilə bizim yarışı ayırmaq üçün əla ideyası var, lakin mən hesab edirəm ki, məhz onların mərhələsini iyuna keçirmək lazımdır. Kanada və ABŞ yarışlarının ardıcıl keçirilməsi daha ağlabatan olardı. Hər iki ölkə sıx əməkdaşlıq edə, azarkeşlərə hər iki yarışa biletin də daxil olduğu xüsusi xidmət paketləri təqdim edə bilərlər. İyun ayı yağışlar mövsümü olduğundan, bizi həmin aya salmaq düzgün deyil. Həftəsonu boyunca yağış yağması az adamın xoşuna gələr. Bobbiyə simpatiyam var, amma yarışın vaxtını dəyişə bilmərik. Meksika Qran Prisi əsl festivaldır və təqvimdəki yerimizdən tam razıyıq”.

Soberon əlavə edib ki, 2018-ci ildə Formula1 ilə müqaviləni uzatmaq üçün danışıqlara başlamaq niyyətindədirlər: “Artıq üç yarış keçirmişik və müqavilənin uzadılması barədə müzakirələrə başlamalıyıq. Yarışın təşkili ölkə iqtisadiyyatına müsbət təsir göstərir. Gələn il ölkəmizdə seçkilər olacaq və yeni hökumət formalaşdırılacaq. Biz onlarla birlikdə Formula1-in sahibləri ilə əməkdaşlığın davam etdirilməsinin mümkünlüyü barədə danışmaq niyyətindəyik”.


Son Xəbərlər

İnformasiya

Bölüm Xəbərlər
Mənbə
Baxış Sayı 6. 143
Teqlər , , , ,
Paylaş

logo