F-1.az bildirir ki, Hartli, Vandorn və Seliş sessiyanın əvvəlində trasa Halo sistemi ilə çıxıblar. Hava xeyli sərin, asfalt isə tozlu olub, buna görə də komandalar proqramlarını tam yerinə yetirməkdə çətinlik çəkiblər. İlk dəqiqələrdə sürücülər dəfələrlə yoldan çıxıblar, lakin bir qədər sonra trasın vəziyyəti yaxşılaşıb.
Hidravlik sistemdə problem yaşayan Maqnussen maşını mexaniklərə çatdıra bilib, sessiyanın sonunda isə yenidən trasa qayıdıb. Startdan 35 dəqiqə sonra Hartlinin maşınında güc qurğusu sönüb, lakin boksda onu yenidən işə salmaq mümkün olub. Vandorn 3 dövrə vurduqdan sonra boksa qayıdıb – onun maşınına quraşdırılan yeni güc qurğusu qənaətbəxş olmadığından, köhnə versiyaya qayıdıb.
Ferstappen sazlanmalarda ciddi dəyişikliklərə görə xeyli vaxt itirib. Bir saatın tamamında Rəykkönen altıncı döngədə yerində fırlanıb. Seliş 16-cı döngədə qəza edib və sessiya qırmızı bayraqlarla dayandırılıb. Maşının təxliyə edilməsinə görə yaranmış fasilə 8 dəqiqə davam edib.
Restartdan sonra beş sürücü dərhal nəticəsini yaxşılaşdırıb. Protokollara trasın yeni rekordunu müəyyən edən Valtteri Bottas başçılıq edib – 1:17.824. İkinci sessiya Bakı vaxtı ilə 23:00-da başlayacaq…
| Yer | N | Sürücü | Komanda | Zaman | Fərq | Dövrə |
| 1 | 77 | Valtteri Bottas | Mercedes AMG | 1:17.824 | – | 42 |
| 2 | 44 | Lyuis Həmilton | Mercedes AMG | 1:18.290 | + 0:00.466 | 35 |
| 3 | 33 | Maks Ferstappen | Red Bull | 1:18.395 | + 0:00.571 | 16 |
| 4 | 3 | Daniel Rikkardo | Red Bull | 1:18.421 | + 0:00.597 | 28 |
| 5 | 5 | Sebastyan Fettel | Ferrari | 1:18.586 | + 0:00.762 | 28 |
| 6 | 7 | Kimi Rəykkönen | Ferrari | 1:19.008 | + 0:01.184 | 27 |
| 7 | 11 | Serxio Peres | Force İndia | 1:19.240 | + 0:01.416 | 21 |
| 8 | 14 | Fernando Alonso | McLaren | 1:19.346 | + 0:01.522 | 20 |
| 9 | 19 | Felipe Massa | Williams | 1:19.443 | + 0:01.619 | 32 |
| 10 | 27 | Niko Hülkenberq | Renault | 1:19.552 | + 0:01.728 | 19 |
| 11 | 55 | Karlos Sayns | Renault | 1:19.554 | + 0:01.730 | 24 |
| 12 | 18 | Ləns Stroll | Williams | 1:19.772 | + 0:01.948 | 34 |
| 13 | 20 | Kevin Maqnussen | Haas | 1:20.644 | + 0:02.820 | 16 |
| 14 | 94 | Paskal Verlyayn | Sauber | 1:20.971 | + 0:03.147 | 30 |
| 15 | 50 | Antonio Covinatsi | Haas | 1:21.269 | + 0:03.445 | 26 |
| 16 | 37 | Şarl Lekler | Sauber | 1:21.446 | + 0:03.622 | 28 |
| 17 | 38 | Şon Gelael | Toro Rosso | 1:21.639 | + 0:03.815 | 29 |
| 18 | 28 | Brendon Hartli | Toro Rosso | 1:21.747 | + 0:03.923 | 10 |
| 19 | 34 | Alfonso Seliş | Force İndia | 1:22.342 | + 0:04.518 | 17 |
| 20 | 2 | Stoffel Vandorn | McLaren | – | – | 3 |
