F-1.az xəbər verir ki, komandanın pilotları Paskal Verlyayn və Esteban Okon bu həftəsonu Montsada 2-ci seansa asanlıqla yüksələcəklərini, hədəflərinin isə 3-cü seans olduğunu bildiriblər.
Paskal Verlyayn: “Spada ilk seansda 9-cu idim. Lakin təəssüflər olsun ki, 2-ci seans üçün SuperSoft təkərim qalmadı. Hiss edirdim ki, 3-cü seansa keçə bilərəm. Spaya bənzər tras olsa və hər şey qaydasında getsə, bunu edə bilərik. Spada yeganə problem o oldu ki, cəmi 5 dəst SuperSoft təkərim var idi. Burada isə 7 dəst var. Keçən həftəylə müqayisədə daha yaxşı vəziyyətdəyəm”.
Esteban Okon: “Bizim üçün mövsümün ən yaxşı yarışı ola bilər. İkinci seansa keçəcəyimizə əminəm. Bəlkə 3-cüyə də keçə bilərik. Yarışda da güclü ola bilərik. Düzlüklərdə sürətimiz yaxşıdır və müdafiə oluna bilərik”.
