FİA arxa antiqanadın hərəkətli elementinin – DRS sisteminin Sepanq avtodromunda istifadə zonasını təyin edib. Malayziya trası ötməyə imkan verir, ona görə də bu dəfə FİA yarışın gedişində yalnız bir DRS aktivləşmə zonası ilə kifayətlənməli olub.

Keçən il olduğu kimi, maşınlar arasındakı intervalın ölçülmə nöqtəsi sonuncu 15-ci döngəyə 207 metr qalmış yerləşir, birbaşa bu döngədən 5 metr sonra isə DRS-dən istifadə zonası başlayır…

Formula1-də arxa antiqanadın hərəkətli elementinin tətbiq olunması birinci yarışda birmənalı qarşılanmayıb – baxamayaraq ki, ötmələri artırmaq üçün nəzərdə tutulan bu sistemin təqbiq zonası 600 metrdən 867 metrədək böyüdülmüşdü, sürücülər əvvəki kimi rəqibi keçmək üçün böyük çətinliklərlə üzləşmişdilər.

Ona görə də, Malayziya Qran Prisindən əvvəl hamı ehtimal edirdi ki, Sepanqda sistemdən hər iki uzundüz yolda istifadə edilməsinə icazə veriləcək. Amma FİA başqa qərar qəbul edib – sistem əvvəlki kimi yarış zamanı dövrədə biri dəfə aktivləşdiriləcək. Bunun üçün uzunluğu 1 km-ə yaxın olan start-finiş düzlüyü tam ayrılıb, iki maşın arasındakı intervalı ölçmə nöqtəsi isə heç də əvvəlki döngənin əylənmə nöqtəsi deyil, bir qədər irəlidə maksimum sürətin ölçüldüyü nöqtədə olacaq.