23 Oktyabr 2017, Bazar ertəsi - 15:34

Macarıstan-2017: Sıralanma turu

Macarıstan-2017: Sıralanma turu

Müəllif: Rəhim N.Əliyev, baş redaktor

17:16 - 29 İyul, 2017

Sıralanma turu Hunqarorinqdə ən həlledici sessiyalardan biri sayılır. Macar trasında hətta DRS-in köməyi ilə ötmək çox çətindir, ona görə də start mövqeyi böyük əhəmiyyət kəsb edir, hərçənd bu trasda baş tutan 31 Qran Pridə yalnız 13 dəfə poulun sahibi bazar günü sevinib.

F-1.az xatırladır ki, cümə günü həm birinci, həm də ikinci sərbəst yürüşlər Red Bull-un sürücüsü Daniel Rikkardonun üstünlüyü ilə keçmişdi. Amma bu gün səhər Sebastyan Fettel hamını yarım saniyə üstələyərək inamla protokollara başçılıq edib.

Hələ bu gün səhər Felipe Massanın sessiyada iştirakı sual altında idi – dünən ikinci məşqlərdən sonra braziliyalı sürücü özünü pis hiss etmişdi və Pol di Resta onu əvəzləməyə hazırlaşmışdı. Amma səhər Felipeni müayinə edən həkimlər onda ciddi bir şey tapmayaraq, sürücünü sessiyaya buraxıblar. Lakin bugünkü sessiyanın sonunda Massa yenidən özünü pis edib və komanda rəsmən sıralanma turunda Pol di Restanın çıxış edəcəyini açıqlayıb.

Pirelli Macarıstana orta üçlüyü – Medium, Soft və SuperSoft tərkiblərini gətirib. Ən bərk tərkib həftəsonunun gedişində demək olar ki, heç istifadə olunmayıb, bir dövrədə Soft və SuperSoft tərkiblərinin sürət fərqi isə hamının gözlədiyindən çox olub, ona görə də ən yumşaq tərkibin sıralanma turuna seçilməsi heç kimi təəccübləndirməyib.

Keçən il döşənmiş yeni qara asfalt buludsuz səma altında 60 dərəcəyədək qızıb – bu il belə yüksək hərarət hələ qeydə alınmamışdı. Məşqlərdə komandalar təkərin effektivliyini dəyərləndirsələr də, sıralanma turunda sazlanmalara düzəliş etməli olublar.

Birinci sessiyaya hamı SuperSoft-la çıxıb. İlk cəhdində Fettel protokollara başçılıq edib – 1:17.244, Rəykkönen komanda yoldaşına 0.1 saniyə, Həmilton isə 0.2 saniyə uduzub.

İkinci cəhdində Ferstappen Fettelə çox yaxınlaşıb – sürücüləri cəmi 0.022 saniyə ayırıb. Kvyat 4-cü döngədə trasddan çıxsa, trasa qayıda bilib. Mübarizəni isə Maqnussen, Stroll, Verlyayn, di Resta və Eriksson dayandırıblar.

İkinci sessiyada Fettel daha da sürətlənib – 1:16.802. Amma Həmilton ikinci cəhdində almaniyalı sürücünün üstələyə bilib – 1:16.693. Top-komandalardan sonrakı yerlər uğrunda mübarizə çox sıx olub, nəticədə Qrojan, Peres, Kvyat, Okon və Palmer mübarizəni dayandırıblar.

Son sessiyada Fettel ilk cəhdində trasın mütləq rekordunu yeniləyib – 1:16.276, Bottas 2-ci, Ferstappen isə 3-cü nəticə göstəriblər. Həmilton 4-cü dövrədə trasdan çıxdığı üçün dövrəsini tamamlamayıb.

İkinci cəhdində Həmilton yeni təkər dəstində güclü vibrasiyadan gileylənib. Fettel nəticəsini yaxşılaşdıra bilməyib, Rəykkönen isə komanda yoldaşına azca uduzaraq ikinciliyə yüksəlib.

Sebastyan Fettel karyerasında 48-ci, mövsümdə isə 2-ci poulunu qazanıb. Mövsümdə 3-cü dəfə Ferrari sürücüləri ilk cərgəni tam zəbt ediblər. İkinci cərgə tamamilə Mercedes sürücülərinin, üçüncü cərgə isə Red Bull sürücülərinin olub. Sabah bizi maraqlı start və yarış gözləyir…

YerNSürücüKomanda1-ci sessiya2-ci sessiya3 sessiya
YerZamanDövrəYerZamanDövrəZamanDövrə
15Sebastyan FettelFerrari11:17.244521:16.80231:16.2766
27Kimi RəykkönenFerrari31:17.364541:17.20731:16.4446
377Valtteri BottasMercedes AMG61:18.058551:17.36271:16.5306
444Lyuis HəmiltonMercedes AMG41:17.492611:16.69361:16.7075
533Maks FerstappenRed Bull21:17.266531:17.02831:16.7976
63Daniel RikkardoRed Bull51:17.702571:17.69831:16.8186
727Niko HülkenberqRenault71:18.137561:17.65531:17.4686
814Fernando AlonsoMcLaren81:18.395581:17.91961:17.5496
92Stoffel VandornMcLaren91:18.479591:18.00061:17.8946
1055Karlos SaynsToro Rosso131:18.94810101:18.31161:18.3113
1130Colion PalmerRenault101:18.6998111:18.4156
1231Esteban OkonForce İndia121:18.84310121:18.4956
1326Daniil KvyatToro Rosso111:18.7029131:18.5386
1411Serxio PeresForce İndia151:19.0959141:18.6396
158Roman QrojanHaas141:19.0859151:18.7716
1620Kevin MaqnussenHaas161:19.0959
1718Ləns StrollWilliams171:19.1029
1894Paskal VerlyaynSauber181:19.8399
1940Pol di RestaWilliams191:19.86811
209Markus ErikssonSauber201:19.9728

Son Xəbərlər

İnformasiya

Bölüm Xəbərlər
Mənbə
Baxış Sayı 7. 413
Teqlər , , , , , ,
Paylaş

logo