F-1.az xatırladır ki, Maks testlərin 2-ci günündə nahardan əvvəl texniki problemlərə görə maşını trasda saxlamalı olmuşdu və beləliklə, günün ilk qırmızı bayraqları dalğalanmışdı. Lakin Toro Rosso komandası yaranmış problemi aradan qaldırıb və o, axşama qədər 121 dövrə vura bilib. Ən sürətli dövrəsi 1:26.539 olan pilot sonuncu yeri tutub.
Maks Ferstappen: “Martın əvvəli keçiriləcək 2-ci testlərdə bir çox yenilənmələrimiz olacaq. Biz güc qurğusunu dəyişdirdiyimizdən maşını hazırlamaq rahat olmadı. Bu, bizim çox vaxtımızı aldı. Hələ də istehsalı davam edən hissələr var. Hamısını ilk testlərə çatdıra bilmədik. Bu gün kifayət qədər dövrə vura bildik. Nəticə daha yaxşı ola bilərdi, amma demək olar ki, hər şey qaydasında getdi…”
