19 Oktyabr 2017, Cümə axşamı - 03:52

Liberty Media Formula1-in səsinin artırılması üzərində işləyir

Liberty Media Formula1-in səsinin artırılması üzərində işləyir

Müəllif: Rəhim N.Əliyev, baş redaktor

06:10 - 23 Sentyabr, 2017

Çempionatın yeni sahibləri Formula1 azarkeşlərinə maşınların köhnə səsini qaytarmaq üçün müxtəlif variantları nəzərdən keçiriblər.

F-1.az bildirir ki, sonda Liberty Media çox sadə həll yolunu tapıb: maşının işlənmiş qazları çıxaran borusuna xüsusi mikrafonlar bərkidiləcək, bununla evdə oturub yayımı izləyən tamaşaçı səsin artmasını hiss edəcək.

Bu barədə Reuters agentliyinə müsahibəsində F1-in kommersiya direktoru Şon Bratçes məlumat verib…

Şon Bratçes: “Biz idmanın səsini bir qədər artırmaq istəyirik, çünki bu səs azarkeşlərə təsir edir. Bu səs həm də bizim apardığımız araşdırmalar üçün də vacibdir”.

Bratçesin sözlərinə görə, Liberty Media bu işə avstraliyalı prodüser Devid Hilli cəlb edib: Devid Almaniyanın məşhur bir şirkəti ilə birlikdə keramik mikrafonun hazırlanması üzərində işləyir. Bu mikrafon işlənmiş qazaları çıxaran boruya bərkidiləcək və biz səsin tam gurluğunu eşidəcəyik”.

Hill hazırda Formula1-in icraçı direktoru olan Çeyz Kerinin vaxtılə başçılıq etdiyi Fox Broadcasting korporasiyasına daxil olan Fox Sports kanalına uzun müddət başçılıq edib.

Formula1 turbo eraya qədəm qoyduqdan sonra adi atmosfer motorların səsi qeybə çəkilib, hibrid motorların səs gurluğunu artırmaq üçün bir neçə eksperiment keçirilsə də, heç biri uğurlu olmamışdı. Amma Reuters-in də yazdığı kimi, məhz televiziya tamaşaçıları üçün səsin belə süni artırılması çox qəribə görünür…


Son Xəbərlər

İnformasiya

Bölüm Xəbərlər
Mənbə
Baxış Sayı 4. 145
Teqlər , , , , , ,
Paylaş

logo