Red Bull sürücüləri Melburnda KERS-dən istifadə etməmişdilər. Lyuis Həmilton hesab edir ki, əgər rəqibləri McLaren üzərindək üstünlüyü qorumaq sitəyirlərsə, onda mütləq KERS-dən istifadə etməli olacaqlar…
Lyuis Həmilton: “Malayziya trası asfalta yatma qüvvəsinin yüksək səviyyəsini tələb edir, ona görə də Red Bull maşınalrı çox sürətli olacaqlar, amma mən şübhə etmirəm ki, bizim maşınlar da rəqabətədavamlı olacaqlar.
Mən bilmirəm, siz Red Bull-un ön antiqanadını görmüşdünüz? Mənə elə gəlir ki, qanad yerə yatır və asfalta yatma qüvvəsini kəskin artırır. Bizim qanad yuxarıda yerləşib, bunu reqlament belə tələb edir, buna görə də biz yarım saniyə uduzuruq, amma tezliklə biz bu fərqi aradan qaldıracayıq.
Komanda bir neçə yenilik hazırlayıb. Biz hələlik bilmirik ki, sıralanma turunda Red Bull-la mübarizə apara biləcəyik, amma startda bizi uzun düzlük gözləyir. Əgər yenə də birinci cərgədən start ala bilsəm, KERS mənə böyük üstünlük verə bilər. İnanmıram ki, Red Bull uzun müddət KERS-siz yarışacaq.”
