25 Sentyabr 2018, Çərşənbə axşamı - 09:11

L.Həmilton: “Yağış təkərlərini tanımıram”

L.Həmilton: “Yağış təkərlərini tanımıram”

Müəllif: Rauf Hacıyev, redaktor

17:33 - 07 Aprel, 2017

Mercedes komandasının sürücüsü Lyuis Həmilton bildirib ki, yağış təkərlərinə görə narahatdır.

F-1.az xatırladır ki, sürücülər bu gün birinci sərbəst yürüşlərdə çox az sayda dövrə vurmuş, ikinci sərbəst yürüşlər isə pis hava şəraitinə görə keçirilməmişdi.

Lyuis Həmilton: “Sözün açığı, yağışlı havaları sevsəm də, yarışın quru havada olmasını istəyirəm, çünki yağış təkərlərini çox yoxlaya bilməmişik. Yeni enli təkərlərlə bolidi yağışlı havada idarə etmək çətin ola bilər. Asfaltla ilişməni bir az itirsək, trasdan kənara çıxa bilərik. Amma buna nəzarət etmək də bizim əlimizdədir.

Həmişə testlərin çox faydalı olduğunu düşünmüşəm. Əgər öyrənmək üçün bir şansımız varsa, bundan istifadə etməliyik. Öyrənmənin heç vaxt sərhədi yoxdur.

Sabah havanın necə olacağına əmin deyilik, amma gözləyirik ki, sürmək üçün şərait olsun. Növbədə çətin iki gün var”.


Son Xəbərlər

İnformasiya

Bölüm Xəbərlər
Mənbə
Baxış Sayı 1. 388
Teqlər , , ,
Paylaş

logo