16 Dekabr 2017, Şənbə - 03:39

L.Həmilton mübarizəyə qayıdacaq

L.Həmilton mübarizəyə qayıdacaq

Müəllif: Rauf Hacıyev, redaktor

15:08 - 11 İyul, 2017

Mercedes Motorsport-un rəhbəri Toto Volff bildirib ki, son yarışlardakı uğursuzluqlara baxmayaraq, çempionluq uğrunda mübarizəyə qayıda bilərlər.

F-1.az xatırladır ki, britaniyalı sürücü son 4 yarışın 3-də podiuma həsrət qalıb. Dördqat Dünya Çempionu Monakoda sazlanmalarla bağlı problem yaşamış, Bakıda lider getdiyi yarışda boyunluğu çıxmış, Avstriyada isə ötürmələr qutusu probleminə görə startda 5 yer itirməli olmuşdu.

Toto Volff: “Məncə, Lyuis yaşaya biləcəyi bütün bəxtsizlikləri yaşadı. Boyunluğu çıxdı, ötürmələr qutusu xarab oldu. Amma indi mübarizəyə yenidən qoşulmaq vaxtıdır və ümid edirəm ki, Silverstounda buna nail olacaq. Son dövrlərdə vəziyyəti elə də yaxşı deyil. Bolid və təkərə görə problem yaşayır və Avstriya yarışı da onun üçün ideal deyildi. Ötürmələr qutusu və boyunluq onun işini çətinləşdirdi. Amma artıq dəyişmək və uğuru geri çevirmək vaxtıdır.

Lyuis yenidən mübarizəyə qayıda bilər. Hələ çempionatın yarısına gəlməmişik və toplaya biləcəyimiz 275 xal var. Hədəfimiz Silverstounda ona ən yaxşı şəraiti təmin etməkdir”.


Son Xəbərlər

İnformasiya

Bölüm Xəbərlər
Mənbə
Baxış Sayı 7. 047
Teqlər , , , , ,
Paylaş

logo