15 Dekabr 2018, Şənbə - 04:43

L.Həmilton: “Komanda ilə fəxr edirəm”

L.Həmilton: “Komanda ilə fəxr edirəm”

Müəllif: Rauf Hacıyev, redaktor

19:37 - 13 May, 2018

Mercedes komandasının sürücüsü Lyuis Həmilton bildirib ki, komandası ilə fəxr edir.

F-1.az xatırladır ki, britaniyalı sürücü yarışa pouldan başlayıb və finişdə rəqibləri üzərində böyük üstünlüyə malik olub. Dördqat Dünya Çempionu finişə komanda yoldaşı Bottasdan 20 saniyə tez çataraq karyerasında 64-cü qələbəsinə sevinib.

Lyuis Həmilton: “Doğrudan da, mükəmməl komandam var. Hamısı ilə fəxr edirəm. Boliddə istədiyim enerjini hiss etdim və bu, mövsümdə ilk dəfə idi. Bəli, yeni mövsüm bizim üçün arzuolunan deyildi və burada hər şeyə yenidən başlamalı idik. İlk iki yeri qazanıb Ferrari-ni təzyiqə salmaq istəyirdik. Bütün Mercedes idarəçiləri burada idi və gücümüzü hamıya göstərə bildik. Komanda bir yerdə işlədi və bunu yarışda göstərdik. Buraya gələn fanatlara təşəkkür edirəm. Bizi çox yaxşı dəstəklədilər. Bu qələbəni onlara hədiyyə edirəm”.


Son Xəbərlər

İnformasiya

Bölüm Xəbərlər
Mənbə
Baxış Sayı 134
Teqlər , , ,
Paylaş

logo