L.Həmilton: “Formula1 daş dövründə qalıb”

Mercedes komandasının sürücüsü Lyuis Həmilton bildirib ki, Formula1 hələ də daş dövründə qalıb.

F-1.az bildirir ki, Formula1-in sabiq rəhbəri Berni Ekklstoun sosial şəbəkələrə fikir vermirdi və o cür halların idmanın imicini zədələyəcəyini düşünürdü. Lakin Liberty Media 2017-ci ildə idmanı satın aldıqdan sonra idmanın sosial şəbəkələrdəki gücünü artırmaq üçün böyük işlər görüb.

Qeyd edək ki, Həmilton Mayamidə düşünülən trasdan narazıdır və yeni traslar təqvimə girməmişdən əvvəl sürücülərdən məsləhət alınmasını istəyir.

Lyuis Həmilton: “İndiyə qədər sürücülərin fikrini soruşan olmayıb. Amma Çeyz Keri və komandası dəyişikliklər gətirmək istəyirlər. Formula1 digər idman növləri olan NFL, futbol ilə müqayisə olunduqda daş dövründə qalıb. Onlara çatmağa çalışsaq da, asan deyil. Çeyzin işi çətindir. Bir neçə il əvvəl gəldi və o zaman sosial şəbəkələrə icazə yox idi. Berni bunun önəmli olmadığını deyirdi. İndi isə sosial şəbəkələrdə işlər yaxşıdır və sürücülər daha rahat istifadə edirlər”.

,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*