Kvyat və Verlyayn gələn il Toro Rosso-da yarışacaqlar?

Gələn il heyəti tam dəyişə biləcək komandalardan biri də Toro Rosso-dur: Pyer Qasli növbəti mövsümdən ana komandaya keçəcək, Brendon Hartlinin builki zəif çıxışı isə komandanın rəhbərliyini qane etmir.

F-1.az xatırladır ki, Red Bull şirkətinin idman məsləhətçisi müsahibələrinin birində komandaya namizədlər siyahısında ondan çox sürücünün adının olmasını açıqlamışdı.

Son şayiələrə əsasən, başlıca namizəd Daniil Kvyatdır – deyilənlərə görə, rusiyalı sürücünün müqaviləsi elə Rusiya Qran Prisi günlərində Soçidə elan olunacaq. Fransada dərc olunan L’Equipe yazır ki, Kvyatın komanda yoldaşı isə Paskal Verlyayn ola bilər – iki həftə əvvəl almaniyalı sürücü Mercedes-in gənc sürücülər proqramından getdiyini söyləmişdi.

Belçikada dərc olunan La Derniere Heure qəzeti isə Stoffel Vandornun gələn il Ferrari komandasında Daniil Kvyatı əvəz edəcəyini xəbər verib – əsas sürücü müqaviləsinə ümidini itirən belçikalı sürücü Skuderiyada simulyatorda çalışacaq…

, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*