Hələ bir ay əvvəl Pirelli Koreyaya ən yumşaq təkər cütünü gətirəcəyini elan edərkən bir çoxları təəccüblənmişdilər – axı Soft və SuperSoft tərkibləri adətən asfalta yatma qüvvəsinin aşağı səviyyəsi tələb olunan şəhər avtodromlarında istifadə olunurdu. Amma Pirelli-nin mütəxəssisləri əmindirlər ki, seçim düzgün edilib…
Pol Hembri, Pirelli Motorsport: “Koreya mərhələsi yumşaq təkərlər üçün ən ciddi sınaq olacaq, çempionatda titulların taleyi hələ həll olunmayıb və biz qarşıdakı yarışın strateji seşim baxımından ən maraqlı olmasına şübhə etmirik.
Cod asfalt və yüksək yan yüklənmələr üzündən qarşıdakı yarışda pit-stopların sayı çox ola bilər. Çox güman ki, bəzi komandalar bərk təkərlər üzərində strategiya quracaqlar. Hərçənd, Koreyada yağış da yağa bilər, ona görə də müxtəlif taktiki sxemlər mümkündür.”
