16 Dekabr 2017, Şənbə - 22:42

Komandaların 2018-ci il üçün olan heyətləri: Müqavilələr və şayiələr – YENİLƏNİB

Komandaların 2018-ci il üçün olan heyətləri: Müqavilələr və şayiələr – YENİLƏNİB

Müəllif: Elçin Zodorov, redaktor

16:07 - 02 Dekabr, 2017

Yay və payız – keçidlər barədə şayiələrin yayılması üçün ənənəvi dövrlərdir. 2018-ci ildə isə komandaların tərkiblərində ciddi dəyişikliklər mümkündür. Müqavilələr bağlandıqca, komandalar heyətlərini təsdiq etdikcə, F-1.az-ın sizə təqdim etdiyi bu material da yenilənəcək…

MERCEDES AMG

Lyuis Həmilton, Valtteri Bottas – müqavilələr təsdiqlənib
Komanda ilə iki titul qazanmış Lyuis Həmiltonun müqaviləsi 2018-ci ilin sonunda başa çatacaq. Valtteri Bottasla isə Sinqapur yarışından əvvəl yenə də birillik müqavilə başlanıb..

 

FERRARİ

Kimi Rəykkönen, Sebastyan Fettel – müqavilələr təsdiqlənib
Ferrari-nin hər iki sürücü ilə müqaviləsinin müddəti bu ilin sonuna qədər idi. Lakin Sebastyan Fettelə komandada daha 3 il qalmaq təklif olunduğu, alman sürücünün də komandaya Kimi Rəykkönenlə müqaviləni uzatmaq şərtini qoyduğu bildirilirdi. Ferrari avqustun 22-də Rəykkönenin daha bir il komandada qalacağını təsdiqləyib. Avqustun 26-da isə Fettellə müqavilənin 2020-ci ilin sonuna qədər uzadıldığı elan olunub.

RED BULL

Daniel Rikkardo, Maks Ferstappen – müqavilələr təsdiqlənib
Hər iki sürücünün komanda ilə müqaviləsi var. Rikkardo 2018-ci ilin sonuna qədər komandada qalmalıdır. ABŞ Qran Prisi ərəfəsində Ferstappenlə yeni üçillik müqavilə bağlanıb və hollandiyalı sürücünün 2020-ci ilin sonuna qədər komandada qalacağı elan olunub.

 

FORCE İNDİA

Esteban Okon, Serxio Peres – müqavilələr təsdiqlənib.
Estebanın komandada qalacağı dəqiq idi, Serxionun müqaviləsi isə Sinqapur yarışından 2 saat əvvəl təsdiq olunub…

 

WİLLİAMS

Ləns Stroll – çoxillik müqaviləsi var, namizədlər – Daniil Kvyat, Sergey Sirotkin, Paskal Verlyayn, Robert Kubitsa, Pol di Resta
Lənsin komandada uzun illər qalacağına şübhə yox idi. Massa mövsümün sonunda Formula1 karyerasını başa vuracağını elan etməklə, bir çox sürücülərə şans qismət etdi. Hazırda onu əvəzləməyə nazmiəd olanların sayı çoxdur…

 

TORO ROSSO

Pyer Qasli, Brendon Hartli – müqavilələr təsdiqlənib.
Komanda bu mövsümə Karlos Sayns və Daniil Kvyatla başlamış, lakin Malayziya Qran Prisindən etibarən Kvyatı Pyer Qaslinin əvəzləyəcəyi elan edilmişdi. Saynsın mövsümə Renault-da davam etməsi Brendon Hartlinin də Formula1-ə yolunu açmış və Yeni Zelandiyadan olan sürücü ABŞ Qran Prisində debüt etmişdi. Toro Rosso noyabrın 16-da gələn mövsüm Qasli və Hartli ilə yarışacağını təsdiq edib.

 

HAAS

Roman Qrojan, Kevin Maqnussen – müqavilələr təsdiqlənib
Cin Haas ən birinci təsdiq etdi ki, komanda gələn il stabilliyi qorumaq üçün sürücülərin heyətində də dəyişiklik etməyəcək…

 

RENAULT

Niko Hülkenberq, Karlos Sayns – müqavilələr təsdiqlənib
Niko ilə komandanın müqaviləni uzatmaq opsionu var idi və yay fasiləsində komanda bu hüququndan yararlandı. Sinqapur yarışı ərəfəsində isə komanda Karlos Saynsla birillik müqavilə imzaladı…

 

McLAREN HONDA

 Stoffel Vandorn, Fernando Alonso – müqavilələr təsdiqlənib
Stoffel Vandornla komandanın uzunmüddətli müqaviləsi olsa da, avqustun 23-də onun 2018-ci ildə komandada qalacağı təsdiqləndi. Fernandonun müqaviləsi bu il başa çatırdı və onun hansı qərarı qəbul edəcəyi paddokda ən çox müzakirə olunan mövzu idi. İspan sürücü dəfələrlə bildirmişdi ki, yalnız podiuma yüksəlməyə və qələbələr qazanmağa imkan verən maşın olacağı təqdirdə yarışacaq. ABŞ Qran Prisi ərəfəsində isə ispaniyalı sürücünün komanda ilə birillik müqavilə bağlaması elan olundu.

 

SAUBER

Markus Eriksson, Şarl Lekler – müqavilələr təsdiqlənib
Əvvəldən məlum idi ki, Markus komandada qalacaq, çünki komandaya yaxşı sponsor dəstəyi cəlb edir. Dekabrın 2-də isə onun komanda yoldaşının Şarl Lekler olacağı elan olundu.

Son Xəbərlər

İnformasiya

Bölüm Xəbərlər
Mənbə
Baxış Sayı 12. 057
Teqlər , ,
Paylaş

logo