22 Noyabr 2017, Çərşənbə - 16:45

Kanada-2017: DHL Fastest Pit Stop Award

Kanada-2017: DHL Fastest Pit Stop Award

Müəllif: Elçin Zodorov, redaktor

16:18 - 13 İyun, 2017

Artıq üçüncü ildir ki, Formula1-də mövsüm ərzində daha çox sürətli pit-stoplara görə fərqlənən komanda müəyyən olunur. Yekunda isə həmin komandaya Formula1-in rəsmi tərəfdaşlarından biri olan DHL-in təsis etdiyi DHL Fastest Pit Stop Award mükafatı verilir.

F-1.az xəbər verir ki, Williams komandası iki yarışlıq fasilədən sonra yenidən zirvəyə qayıdıb. Felipe Massanın ilk dövrədə qəzaya uğrayaraq mübarizəni dayandırmasından sonra Qrouv təmsilçisinin mexaniklərinin özlərini göstərmək üçün cəmi bir şansları olub. Lakin onlar bu şansı qaçırmayıblar – Ləns Strollun maşınının dörd təkəri cəmi 2.17 saniyədə dəyişilib. Bu, təkcə Kanada Qran Prisinin yox, həm də cari mövsümün indiyə qədər ən sürətli pit-stopudur. Qeyd edək ki, builki pit-stoplar daha enli təkərlərə keçidlə əlaqədar, keçənilkilər qədər sürətli deyil. Williams mexanikləri rəqiblərini bu mövsüm dördüncü dəfə, Bəhreyn Qran Prisindən bəri ilk dəfə üstələyirlər.

Mercedes AMG mexanikləri də sürətlərinə görə fərqləniblər – onlar Bottas və Həmiltonun pit-stoplarına görə müvafiq olaraq, ikinci və dördüncü yerləri tutublar və komanda təkcə yarışda yox, burada da ən çox xalı qazanıb. Yarışda üçüncü ən sürətli təkərdəyişmə əməliyyatı isə Peresin maşınında yerinə yetirilib. Ferrari komandası sürücülərini 4 dəfə pit-stopa çağırsa da, cəmi iki nəticə ilk onluğa düşüb. McLaren komandasının irəliləyişi də gözəçarpandır – mexaniklərin işi komandanın xal zonasında iki yer tutmasına şərait yaradıb.

Renault və Sauber komandaları isə hələ də fərqlənə bilməyiblər…

KomandaAvstraliyaÇinBəhreynRusiyaİsaniyaMonakoKanadaAzərbaycanAvstriyaBritaniyaMacarıstanBelçikaİtaliyaSinqapurMalayziyaYaponiyaABŞMeksikaBraziliyaƏbu DabiCəmi
Williams40253120121225170
Mercedes AMG261820403330158
Red Bull627192518258128
Force İndia612304141774
Toro Rosso12101202010073
Ferrari1120101611665
McLaren002608521
Haas060048018
Renault00000000
Sauber00000000

Son Xəbərlər

İnformasiya

Bölüm Xəbərlər
Mənbə
Baxış Sayı 5. 261
Teqlər , ,
Paylaş

logo