23 Sentyabr 2018, Bazar - 01:14

K.Rəykkönen: “Pis start yarışımı məhv etdi”

K.Rəykkönen: “Pis start yarışımı məhv etdi”

Müəllif: Rauf Hacıyev, redaktor

06:16 - 17 Aprel, 2017

Ferrari komandasının sürücüsü Kimi Rəykkönen bildirib ki, birinci dövrə onun üçün pis keçdiyinə görə yaxşı nəticə göstərə bilməyib.

F-1.az xatırladır ki, finlandiyalı sürücü yarışa 5-ci yerdə başlayıb, amma startda Ferstappen və Massanın arxasına düşüb. 37 yaşlı sürücü uzun müddət Massanın arxasında ləngiyərək, rəqibləri ilə fərqin artmasından çox gec qurtulub.

Kimi Rəykkönen: “Düzünü desəm, bolid çox yaxşı idi. Buna görə də şikayətim yoxdur. Pis start aldım və daha sonra rəqiblərimi izləməli oldum. Felipeni gec ötdüm və öndəkilərlə fərq artmışdı. Bolid yaxşı olsa da, məyusam. Amma Rusiyaya hazırlaşmaq istəyirəm və orada gözəl nəticə üçün yarışacam.

Massanı ötdüm, amma təhlükəsizlik avtomobilindən sonra yerimi yenidən ona verməli oldum. Bu gün mənim üçün pis keçdi. Amma komanda üçün yaxşı nəticə aldıq və Fetteli qələbə qazandığı üçün təbrik edirəm. Mühəndislər Kubokunda 1-ci yerdəyik. Bunu davam etdirmək istəyirik”.


Son Xəbərlər

İnformasiya

Bölüm Xəbərlər
Mənbə
Baxış Sayı 3. 944
Teqlər , , , ,
Paylaş

logo