F-1.az xəbər verir ki, Colion Palmer bu mövsüm Formula1-də debüt edəcək, amma Kevin Maqnussen 2014-cü ildə McLaren komandasında yarışıb.
Siril Abitebul komandanın sürücü heyəti barədə danışıb: “Mən düşünürəm ki, komandamızın yaxşı pilot heyəti var. Sürücülərimiz gəncdir və özlərini sübut etmək istəyirlər.
Hər iki sürücümüz özlərini sübut etmək istəyirlər. Onlar Formula1-də olmağa layiqdirlər və biz təcrübə qazandıqca onlar da təcrübə qazanacaqlar.
Onların çempionluq qazanmaq potensialı var və bunu artıq bir dəfə sübut ediblər. Colion GP2-də, Kevin isə Formula Renault 3.5 seriyasında Dünya Çempionu titulunu qazanıblar.
Kevin fitri istedaddır və texniki cəhətdən də biliklidir. Colion isə güclü komanda yoldaşından çox şey öyrənməlidir”.
