1997-ci ilin dünya çempionu Jak Vilnöv və ralli çempionatının doqquzqat qalibi Sebastyen Löb Po Qran Prisində iştirak edəcəklər. Əfsanəvi küçə trasındakı yarış 18-20 mayda Avropa Formula3 uik-endi çərçivəsində baş tutacaq.
Hər iki sürücü Mitjet kateqoriyasının ən güclü Supertourisme 2L sinfində güclərini sınayacaq. Onlara WTCC-nin üçqat qalibi İvan Müller də qoşula bilər. Amma onun yarışd iştirakı dünya turinq çempionatının təqvimindən asılıdır.
