Tədbir Baku Karting & Event Center-də baş tutub. 30-dan çox jurnalistin qoşulduğu turnirdə F-1.az saytı 2 nəfərlə təmsil olunub.
Turnirin ilk mərhələsində jurnalistlər 6 qrupa bölünərək yarışıblar. Mərhələnin yekununda ən yaxşı nəticə göstərmiş 5 nəfər – Elvin Əhmədov (media.az), Orxan Kərimov (salamnews.org), Fərid Ramazanov (İdman Azərbaycan), Teymur Maksutov (1news.az) və saytımızın əməkdaşı Elçin Zodorov final mərhələsinə yüksəliblər.
Finalda mübarizə gərgin olub. Yekunda ən sürətli dövrəni Fərid Ramazanov vuraraq qalib gəlib – 32.87 saniyə. Elçin Zodorov 33.00 saniyəlik nəticə ilə ikinci yeri tutub. Üçüncü isə Teymur Maksutov olub – 34.34 saniyə.
