20 Oktyabr 2018, Şənbə - 06:11

J.Todt mühərrik səslərindən razıdır?

J.Todt mühərrik səslərindən razıdır?

Müəllif: Rauf Hacıyev, redaktor

14:13 - 20 Yanvar, 2018

FİA-nın prezidenti Jan Todt bildirib ki, Formula1 bolidlərinin səsindən razıdır, amma insanların narazılığına görə səsləri artırmağa çalışırlar.

F-1.az xatırladır ki, 2014-cü ildə idmana turbo mühərriklər gəldikdən sonra fanlar bolidlərin səsindən narazıdırlar.

Jan Todt: “Mənə qalsa, səsə ehtiyacımız yoxdur. Hazırkı səslərdən çox razıyam. Mən demirəm ki, əlavə səs lazım deyil. Amma hazırda bolidlərin səslərindən razıyam.

Elə görünür ki, hamı səsdən narazıdır. Amma 20-25 nəfər adamla danışsanız, səslə bağlı fərqli fikirlər eşidəcəksiniz.

2021-ci ildəki mühərriklərlə bağlı danışıqlar davam edir. Bir neçə ay əvvəl cari və potensial istehsalçılardan başqa Liberty Media ilə də mühərriklər barədə danışdıq. Əgər bu barədə düşüncələrimi soruşsanız, bunlar həm qarışıq, həm də bahalıdırlar. Amma gələcək üçün əla addım olublar. Tamamilə yeni mühərriklərin gəlməsinə qarşıyam. Bu mühərriklərdən öyrəndiklərimizi istifadə etməliyik. Həm cari, həm də gələcəkdəki istehsalçılar üçün maraqlı mühərriklər hazırlamalıyıq”.


Son Xəbərlər

İnformasiya

Bölüm Xəbərlər
Mənbə
Baxış Sayı 181
Teqlər
Paylaş

logo