20 Noyabr 2017, Bazar ertəsi - 11:32

İtaliya Qran Prisi: Son metrlərdə qazanılmış qələbə

İtaliya Qran Prisi: Son metrlərdə qazanılmış qələbə

Müəllif: Rəhim N.Əliyev, baş redaktor

18:57 - 22 May, 2016

Finiş xətti üzərində Yamaha-nın ispaniyalı sürücüsü Xorxe Lorenso Honda-dan olan həmyerlisini Mark Markesi cəmi 0.019 saniyə qabaqlayıb…

F-1.az xəbər verir ki, Xorxe Mucelloda yarışa möhtəşəm başlayb – beşinci yerdən start alan sonuncu dünya çempionu ilk döngəyə birinci girib. Poulun sahibi və Xorxenin komanda yoldaşı Valentino Rossi ikinci yerdə möhkəmlənib. Tribunaya toplaşan azarkeşləri tərəfində ruhlandırılan Rossi uzun müddət komanda yoldaşının arxa təkərindən qopmayıb.

Amma Yamaha sürücülərinin keçən ildən davam edən gərgin duelini Doktorun motosikletindəki problemlər yarımçıq qoyub – motordan çıxan tüstü Valenin tiffozilərini məyus edib.

Lorenso bir müddət rahat nəfəs alsa da, tezliklə Markes ona çatıb. Yarışın son dövrələrinə hücum planlaşdıran ikiqat dünya çempionu Xorxeyə tam yaxınlaşıb.

İlk iki hücum bəhrə verməyib – Lorenso trayektoriyanı çarpazlaşdıraraq hər dəfə liderliyini qaytara bilib. Yarışın kulminasiyası son dövrədə baş tutub – Markesin növbəti cəhdi uğurlu olub və həmyerlisinin önünə keçə bilib. Amma Xorxe təslim olmayıb və sonuncu dövrədən Markesə bitişik çıxıb.

Hava kisəsinin üstünlüyündən istifadə edən Lorenso finiş xəttinə az qalmış hücuma atılıb və damalı bayraq altında Markesi cəmi 0.019 saniyə qabaqlayıb. Ardıcıl ikinci qələbədən sonra Xorxe çempionatda liderliyini möhkəmlədib.

Jorge Lorenzo, Marc Marquez, photofinish, Gran Premio d'Italia TIM

 

Yerli azarkeşləri isə Andrea Yannone sevindirə bilib – Ducati-nin sürücüsü podiumun ispaniyalı sürücülərdən ibarət olmasına mane olub və Honda-dan Dani Pedrosanın hücumlarını uğurla dəf edib. Ducati-nin digər italiyalı sürücüsü Andrea Dovitsiozo ilk altılığı tamamlayıb.

Çempionatın növbəti mərhələsi iki həftədən sonra Kataloniyada baş tutacaq…

YerSürücüKomandaMotosikletZaman/FərqDövrə
1 Xorxe Lorenso Yamaha Factory RacingYamaha YZR-M141:36.53523
2 Mark Markes Repsol Honda TeamHonda RC213V+ 0:00.01923
3 Andrea Yannone Ducati TeamDucati Desmosedici GP16+ 0:04.74223
4 Dani Pedrosa Repsol Honda TeamHonda RC213V+ 0:04.91023
5 Andrea Dovitsiozo Ducati TeamDucati Desmosedici GP16+ 0:06.25623
6 Maverik Vinyales Team Suzuki MotoGPSuzuki GSX-RR+ 0:08.67023
7 Brədli Smit Monster Yamaha Tech 3Yamaha YZR-M1+ 0:13.34023
8 Danilo Petruççi Pramac RacingDucati Desmosedici GP15+ 0:14.59823
9 Aleş Esparqaro Team Suzuki MotoGPSuzuki GSX-RR+ 0:18.64323
10 Mikele Pirro Ducati TeamDucati Desmosedici GP16+ 0:22.29823
11 Kel Kratçlou Team LCRHonda RC213V+ 0:27.93623
12 Hektor Barbera Avintia RacingDucati Desmosedici GP14+ 0:35.71223
13 Yucin Laverti Aspar Racing TeamDucati Desmosedici GP14+ 0:38.03223
14 Ştefan Bradl Aprilia Racing TeamAprilia RS-GP+ 0:40.09423
15 Pol Esparqaro Monster Yamaha Tech 3Yamaha YZR-M1+ 0:59.81123
16 Yonni Hernandes Aspar Racing TeamDucati Desmosedici GP14+ 1:04.39723
 Valentino Rossi Yamaha Factory RacingYamaha YZR-M18
 Skott Reddinq Pramac RacingDucati Desmosedici GP158
 Cek Miller Marc VDS Racing TeamHonda RC213V0
 Loris Baz Avintia RacingDucati Desmosedici GP140
 Alvaro Bautista Aprilia Racing TeamAprilia RS-GP0

Son Xəbərlər

İnformasiya

Bölüm MotoGP
Mənbə
Baxış Sayı 380
Teqlər , , , ,
Paylaş

logo