24 Oktyabr 2017, Çərşənbə axşamı - 15:14

İstehsalçılar motorların dəyərini azaltmağı məsləhət görürlər

İstehsalçılar motorların dəyərini azaltmağı məsləhət görürlər

Müəllif: Rəhim N.Əliyev, baş redaktor

18:17 - 12 Yanvar, 2016

Biz artıq məlumat vermişdik ki, keçən ilin sonunda Formula1-in Komissiyası alternativ motorların tətbiq olunması təklifini rədd etmişdi. Bunun əvəzinə motor istehsalçıları yanvarın 15-dək FİA-ya motorun dəyər problemini həll etməyə imkan verən öz təkliflərini verməlidirlər.

Auto Motor und Sport qarşıdakı cümə günü motor istehsalçılarının görüşündə səslənəcək bəzi təklifləri əldə edə bilib. Məlum olub ki, 2018-ci ildə motor istehsalçıları yeni motor istehsal etməyi planlaşdırmırlar. Mercedes, Ferrari, Renault və Honda hesab edirlər ki, cari güc qurğularının dəyərini mövsüm üçün 12 milyon avroya endirmək ən yaxşı çıxış yoludur.

Güc qurğularının dəyərini azaldan digər təkliflərdən bəzi blokların – batareyanın, MGU-K və MGU-H generatorlarının, hətta turbinin standartlaşdırılmasıdır. Gözlənildiyinə görə istehsalçılar görüş zamanı motorun gücünü və səsini artırmaq üçün təklifləri də müzakirə edəcəklər.

F-1.az Auto Motor und Sport-a istinadən bildirir ki, hazırlanan təkliflərin qəbul olunmasına heç kim zəmanət verə bilməz, çünki Berni Ekklstoun istehsalçıların Formula1-ə təsirini azaltmaq istəyir və ciddi cəhdlə çempionatda alternativ motorun peyda olması variantında israrlıdır.


Son Xəbərlər

İnformasiya

Bölüm Xəbərlər
Mənbə
Baxış Sayı 244
Teqlər , , , , ,
Paylaş

logo