F-1.az bildirir ki, ikinci sessiya qəza ilə başlayıb – Qrojan idarəetməni itirərək çınqıllığa düşüb. Təxliyə işlərinin aparılması üçün Virtual Təhlükəsizlik Maşını rejimi elan edilib. Bir neçə dəqiqədən sonra sürücülər işlərinə davam ediblər. Sessiya əsasən sazlanmaların tapılmasına və təkərlərin effektivliyinin qiymətləndirilməsinə həsr edilib.
Sirotkin ikinci məşqlərdə maşını Kubitsadan təhvil alıb. Vandorn maşının altlığı dəyişildiyindən, ilk yarım saatı boksda keçirməli olub. Rəykkönen sessiyanın 49-cu dəqiqəsində çınqıllığa çıxsa da, trasa qayıda bilib. Bundan 4 dəqiqə sonra isə onun maşını tüstülənib və mühəndisi dayanmasını xahiş edib. Finlandiyalı sürücü maşını pit-leynə gətirib və mexaniklərə təhvil verib. Peres pit-stopdan sonra sol ön təkəri yaxşı bağlanmadığı üçün doqquzuncu döngədə dayanmalı olub.
Protokollara Həmilton başçılıq edib – 1:18.259. Nəticələr sıx olub, lakin yarış simulyasiyasında Red Bull sürücüləri daha yaxşı təsir bağışlayıblar. Məşqlər sabah 14:00-da davam edəcək…
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:18.259 | – | 39 |
| 2 | 3 | Daniel Rikkardo | Red Bull | 1:18.392 | + 0:00.133 | 41 |
| 3 | 33 | Maks Ferstappen | Red Bull | 1:18.533 | + 0:00.274 | 39 |
| 4 | 5 | Sebastyan Fettel | Ferrari | 1:18.585 | + 0:00.326 | 34 |
| 5 | 77 | Valtteri Bottas | Mercedes AMG | 1:18.611 | + 0:00.352 | 39 |
| 6 | 7 | Kimi Rəykkönen | Ferrari | 1:18.829 | + 0:00.570 | 16 |
| 7 | 8 | Roman Qrojan | Haas | 1:19.579 | + 0:01.320 | 24 |
| 8 | 20 | Kevin Maqnussen | Haas | 1:19.643 | + 0:01.384 | 39 |
| 9 | 2 | Stoffel Vandorn | McLaren | 1:19.722 | + 0:01.463 | 32 |
| 10 | 11 | Serxio Peres | Force İndia | 1:19.962 | + 0:01.703 | 28 |
| 11 | 31 | Esteban Okon | Force İndia | 1:20.024 | + 0:01.765 | 38 |
| 12 | 14 | Fernando Alonso | McLaren | 1:20.035 | + 0:01.776 | 35 |
| 13 | 27 | Niko Hülkenberq | Renault | 1:20.183 | + 0:01.924 | 43 |
| 14 | 10 | Pyer Qasli | Toro Rosso | 1:20.373 | + 0:02.114 | 32 |
| 15 | 9 | Markus Eriksson | Sauber | 1:20.501 | + 0:02.242 | 37 |
| 16 | 16 | Şarl Lekler | Sauber | 1:20.514 | + 0:02.255 | 29 |
| 17 | 55 | Karlos Sayns | Renault | 1:20.672 | + 0:02.413 | 31 |
| 18 | 28 | Brendon Hartli | Toro Rosso | 1:21.265 | + 0:03.006 | 34 |
| 19 | 18 | Ləns Stroll | Williams | 1:21.556 | + 0:03.297 | 35 |
| 20 | 35 | Sergey Sirotkin | Williams | 1:22.060 | + 0:03.801 | 36 |
