Hokkenhaymda M.Molina hamıdan sürətlidir – çempion hələ məlum deyil

Gərgin keçən şənbə yarışı startdan finişə qədər liderlik edən Audi-nin ispaniyalı sürücüsü Molinanın qələbəsi ilə başa çatıb - amma əsas hadisələr onun arxasında cərəyan edib.

F-1.az xəbər verir ki, DTM bu həftəsonu Hokkenhaymda mövsümü başa vurur və bu gün baş tutan şənbə yarışını Miqel Molina inamlı qələbə ilə bitirib. Molina startdaca poulun sahibi Antoniu Feliks da Koştunu üstələyərək mövsümdə 2-ci, karyerasında isə 3-cü qələbəsini bayram edib.

Amma hamının diqqəti titula iki namizəddə olub: çempionatın lideri Marko Vittmann 4-cü yerdən start alıb, ilk dövrədə bir mövqe qazanıb, 8-ci dövrədə sancaq döngəsində da Koştunu da keçərək ikinciliyə yüksəlib.

Yarışın ilk hissəsində hamı titul uğrunda mübarizənin başa çatdığını güm edib. Markonun əsas rəqibi Edo Mortara startda bir neçə mövqe qazansa da, sancaq döngəsinə xarici radiusla girdiyi üçün elə start aldığı 8-ci mövqeyə düşüb.

Amma ruhdan düşməyən Mortara yüksək ustalıq nümayi etdirməklə rəqiblərini bir-bir keçməyə başlayıb. Dördüncü yerə çıxan Edo finişə az qalmış da Koştunu aqressiv manevrlə üstələyərək Vittmanna çatmağa çalışıb – amma damalı bayraq Markoya ikinci yer və daha 3 xal üstünlük hədiyyə edib. Sabah baş tutacaq son yarış ərəfəsində Marko əsas rəqibi üzərində üstünlüyünü 17 xala çatdırıb.

Pol di Restanın 10-cu yeri Mercedes nümayəndələri üçün ən yaxşı nəticə olub…

Yer Sürücü Komanda Zaman/Fərq
1  Miqel Molina Audi Sport Team Abt 43:02.346
2  Marko Vittmann BMW Team RMG + 0:01.661
3  Edoardo Mortara Audi Sport Team Abt Sportsline + 0:02.805
4  Antoniu Feliks da Koşta BMW Team Schnitzer + 0:04.870
5  Mayk Rokenfeller Audi Sport Team Abt Sportsline + 0:06.064
6  Rene Rast Audi Sport Team Phoenix + 0:07.992
7  Timo Qlok BMW Team RMG + 0:11.858
8  Ceymi Qrin Audi Sport Team Rosberg + 0:15.970
9  Tom Blomkvist BMW Team RBM + 0:17.188
10  Pol di Resta Mercedes-AMG DTM Team HWA II + 0:19.048
11  Auqusto Farfuş BMW Team MTEK + 0:21.208
12  Adriyen Tambe Audi Sport Team Rosberg + 0:21.928
13  Maksim Marten BMW Team RBM + 0:22.471
14  Bruno Spenqler BMW Team MTEK + 0:23.233
15  Niko Müller Audi Sport Team Abt + 0:23.808
16  Timo Şayder Audi Sport Team Phoenix + 0:24.288
17  Maksimilyan Götz Mercedes-AMG DTM Team HWA II + 0:24.712
18  Lukas Auer Mercedes-AMG DTM Team Mücke + 0:24.967
19  Qəri Paffet Mercedes-AMG DTM Team ART + 0:30.584
20  Martin Tomçik BMW Team Schnitzer + 0:35.904
21  Daniel Xunkadelya Mercedes-AMG DTM Team HWA + 0:37.372
22  Kristian Fitoris Mercedes-AMG DTM Team Mücke + 0:43.593
23  Robert Uikens Mercedes-AMG DTM Team HWA + 2 dövrə
Finiş görməyən:
 Feliks Rozenkvist Mercedes-AMG DTM Team ART 9 dövrə
, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*