Dünən HRT komandası FİA-dan xahiş etmişdi ki, Pedro de la Rosanın maşınının texniki təftişi cümə gününə qədər təzirə salınsın, çünki mexaniklər şassini tam yığa bilməmişdilər. Federasiyanın cavabı müsbət olmuşdu – bu gün səhər federasiyanın nümayəndələri Pedronun maşınına yaşıl işıq göstəriblər.
Əvvəldən aydın idi ki, ispaniyalı sürücü birinci sərbəst yürüşlərdə iştirak edə bilməyəcək, çünki şassi hazır olandan sonra çoxlu köməkçi işlər görmək lazımdır. Trasda yalnız komandanın ikinci sürücüsü Narain Kartikeyan işləyəcək. Komanda isə əlindən gələni edəcək ki, hər iki maşın lazım olan qədər məsafə qət etməklə Avstraliya Qran Prisinə yaxşı hazırlaşsınlar.
